اللي عنده نفس مشكلتي

[خصيم اليأس]

السلام عليكم ورحمة الله وبركاته
اول شي انا اشكر القائمين على هذا المنتدي الرائع واشكرهم على تجاوبهم ونصائحهم
ثانيا / انا يا شباب عندي كاسيكو عمره تقريبا سبع شهور .
لما كان عند الرجال اللي شريته منه كان هادئ وحبوب ولا يعض
بس الحين صار له عندي قرابة اسبوعين صار يتكلم وينادي ويفرح لما ادخل البيت بس مشكلته صاير عنيد شوي يعني احيانا يعض واحيانا لما اطلب منه يطلع على يدي يعطيني راسه يعني يبغاني احك له راسه ويطير في كل مكان بالبيت والله صرت اخاف عليه من المروحه ومن انه يخرج للشارع واظفاره مرررررررررررره حاده بصراحه تعبتني وجرحتني صرت اتجنب خروجه من القفص بسسب عناده واظفاره................
احب اسمع وجهات نظركم عن هذا الوضع
وتقبلواااا تحياتي

[مجنون الامازون]

عزيزي (خصيم اليأس) اولا حياك الله بين اهلك واخوانك ..

ثانيا: يسعدني ان اكون اول من يرد على استفساراتك .. بالنسبة للعناد فهذه طبيعة الكاسكو وخصوصا في هذا العمر .. حاول اذا عطاك راسه تنزل ايدك الى رجليه عشان يفهم انك ايش قصدك وايضا حاول اذا تبغاه يطلع تعلمه كلمة (اطلع) واذا تبغى تحك راسه قول (هات راسك) عشان يفهمك اسرع .. والصبر مفتاح الفرج .. ونصيحة وديه الى اي بيطري عشان يقص اجنحته ويبرد اضافرة عشان لا يأذي نفسه اولا ولا يأذيك ..

تحياتي

[يعقوب افريقي]

السلام عليكم

كلام رائع من اخوي مجنون الامزون حاول معه بالنفس الطريقة الي ذكرها مجنون واهم شي الصبر في الموضوع وانشاء الله يضبط معك

وقص الريش سهل جدا واتمنا انت تقوم بذلك واطلع على ذلك عن طريق موضع قص الريش في المنتدى

اما الاظافر قصها عن طريق خبير في القص او تشتري استاند خاص لبرد الاظافر يبرد اظافر الطير مع الوقت


وشكرا

[PrEsIdEnT]

بالنسبه للظفور انصحك تجيب له مجثم يكون فيها مبرد كلها ثلاث ايام وراح تنبرد من نفسها لانه لمى توديه للطبيب يقص اظافيره ممكن ان الطير يكرهك


ثاني شي بالنسبه لمى تقرب يدك يعطيك راسه انت لازم تعوده تقوله راسك راسك وتجيب يدك وانت فارد اصابعك


وعوده على كلمه تعال ولا اطلع واثني اصابعك عشان يطلع على يدك وبالتوفيق

[خصيم اليأس]

الله يعطيكم العافية جميعااااااااا
واشكركم على الاهتمام وقراءة الموضووووع

[زياد محمد]

طبيَعي آخوي والله
بس لآزم تكون حوله دآيم ؛وآكثر الوقت عشآن يرتآح آكثر
وبالتوووفيق >>اووه بالنسبة تقول آنه يطير ..؟
يبيلك وآحَد خبرة بالطيور يقص جنآحه .. ؟وتفتك
من طيرآنه هههههه

[خصيم اليأس]

مشكور اخوي زياد
بس اسمع كثير من الناس يقولون لا تقص جنحان الطير علشان ما يكرهك
وبالنسبه لتواجدي معه الاجازه قريبه وان شاء الله اكون حوله
واشكرك على المرور