ترويض كراش

[عبدالله عبدالعزيز]

حالتي مع كراش اليوم

طلعته برا القفص وتنح الاخ الكريم برا عيا يرجع
قلت باقرب من عنده يمكن يرجع من نفسه
لكن لقيته يدور فوق القفص ولا يدخله
مع ان الباب مفتوح من فوق

قربت زيادة ونط على الكنب
قمت وجبت القفاز الاحمر الطويل ومسكت رجوله وشلته
وكل شوي يفلت مني لاني ما ابغى اضغط على رجوله واوجعه بعدين يكرهني << متعقد من لولو
بالشين وبطلعة الروح مسكته وعلى طول حطيته قدام باب القفص وفتحته ودخلته
وهو يجعر ويعض القفاز بكل قوته

وخلال هالاسبوع كنت اقرب منه واخليه يجعر وانا واقف ولا اتحرك لين يسكت
اذا سكت مشيت من عنده

يلا يا اخوان هاتو ارائكم بالي سويته
لا تبخلون علينا

[عبدالله عبدالعزيز]

قبل شوي شلت قفص كراش وجبته جنبي وانا اطقطق على اللاب توب
طريقة قريتها باحد المواضيع نسيت من الكاتب الله يجزاه الخير
اتمنى ماكون ضايقته بنقل الفكرة
لكن نقلتها على تطبيق عملي ^_^

نقول لكم وش صار

انا نقلته من محله الي هو مسافة مترين بس لين صار عندي
بس المشكلة انه فقع مخي من كثر ما يحوووووووووووس ويدور ويفرفر ويرفرف بجنحانه ما بقت ريشة بالمجلس الا لصقت اما بوجهي او عاللاب توب
الحين له ساعتين تقريبا وهو يحوس

[ام ماجد]

ههههههه ترا انا مثلك توهقت باللي عندي اذا طلعته مايرجع
قبل كنت اسكر الانوار ويرجع قفصه لكن بعد ماحفظ مكانه مايدخل بس يوقف على القفص برا
وكل شوي امره وماينفع مايدخل وانا اقوله يارجال نم وبكرا والله لأطلعك ههههه
بس لقيت الحل الاسهل اشيله بالفوطه وانزله بالقفص اول يومين جعر
بعدها صار مؤدب ^^

وبالتوفيق على هاليوميات الجميله

[Budgerigar]

ما شاء الله تبارك الله

[عبدالله عبدالعزيز]

المشاركة الأصلية كتبت بواسطة ام ماجد

ههههههه ترا انا مثلك توهقت باللي عندي اذا طلعته مايرجع
قبل كنت اسكر الانوار ويرجع قفصه لكن بعد ماحفظ مكانه مايدخل بس يوقف على القفص برا
وكل شوي امره وماينفع مايدخل وانا اقوله يارجال نم وبكرا والله لأطلعك ههههه
بس لقيت الحل الاسهل اشيله بالفوطه وانزله بالقفص اول يومين جعر
بعدها صار مؤدب ^^

وبالتوفيق على هاليوميات الجميله

ربي يخليك
انا اشيله بالقفاز الاحمر الكبير
خذ لك واحد من محلات الطيور ينفع ^_*

المشاركة الأصلية كتبت بواسطة Budgerigar

ما شاء الله تبارك الله

يعطيكم العافية عالمرور الكريم
الله لا يحرمنا منكم ^_^

[مس^^مس]

من جد حركته الكثيره تفقع المخ ..

انا اشوووفه كذا ا\لعه من القفص بس يرتاح راسي شووويه ..

المشكله صاير يطلع لي اصووات دجاجه .. من وين متعلمها والله مااعرف ..

.. كراش ماشاء الله عليه عسووول ..

وطريقتك كووويسه ..

بالتوفيق يارب ..

[عبدالله عبدالعزيز]

المشاركة الأصلية كتبت بواسطة مس^^مس

من جد حركته الكثيره تفقع المخ ..

انا اشوووفه كذا ا\لعه من القفص بس يرتاح راسي شووويه ..

المشكله صاير يطلع لي اصووات دجاجه .. من وين متعلمها والله مااعرف ..

.. كراش ماشاء الله عليه عسووول ..

وطريقتك كووويسه ..

بالتوفيق يارب ..

لا ابشرك
بعد ساعتين تقريبا هجد ولا حركة بس مركز معي وش اسوي

يلا عقبال اللي عندك يتكي معك سوالف وبلوت

[عبدالله عبدالعزيز]

طلعنا كراش من القفص وخليناها يتمشى بأرجاء المجلس الجميل

طبعا نتف الشجر وعفس الدنيا علي

جربت الفمتو لاول مرة وبما اني كنت مواصل ,, اي احساس بالخوف راح يعني صرت بايعها
قربت ايدي عنده وهو مستغرب وخايف وكل ما جعر اقرب له واحط ايدي بفمه
وكل ما عض يحس بطعم الفمتو يتركني

يلا يا خبراء ارائكم ملاحظاتكم عالمقطع

بس للحين ما ياكل من يدي
جوعته 12 ساعة كل ساعتين تقريبا احاول اعطيه ما رضى لين كمل 12 ساعة بعدين رجعت له صحن الاكل ورحت عنه

[د. إحتـراف]

بسم الله الرحمن الرحيم

السلام عليكم ورحمه الله وبركاته

اولا اخي مبارك عليك اقتناء الطير والف مبروك ويتربى بعزك وعقبال ماتسمعه يتكلم يارب

ثانيا اخي انصحك اولا بقراءه هذا الموضوع بما ان الطير الى الان لم يكمل عندك اسبوع

http://www.2zoo.com/vb/showthread.php?t=149082

وانتبه اخي العزيز من مضايقه الطير او التعرض له فقد يكرهك

اجعله يتعرف عليك براحته وبدون مضايقته وبعدها سترا كيف حبه لك

بعد الاسبوعين لي عوده ان شاءالله

تقبل مروري

[عطش]

السلام عليكم ورحمة الله وبركاته

ابو عبدالعزيز ، او ابو كراش

مبارك الطير عليك الله يحفظه لك ..
شغلت المقطع من ايو تيوب ونفس الحكاية اخذ ( كيمو ) يصفر بسعادة مثل متقول في لغة بينهم بيردو على بعض . وعدة المقطع تصدق قلد نفس الصافرة سبحان الله .