سحلووفتي .. ابي فزعتكم

[عروس الجليل]

سلحفاتك أموره, ادا عم تتحرك وتسبح ومافي اشي غريب عجسمها هي منيحه,
حطيها بحوض كبير شوي من زجاج او بلاستيك, مليه كلو بالمي عنشان السلحفاه تسبح وتغوص, المي اللي حاططيها ئليله كتيييييييير, لانو ائل اشي المي لازم تكون بعرض السلحفاه عنشان ادا ئلبت السلحفاه عظهرها تعرف ترجع عبطنها بسهوله.
حطي بالحوض حجر كبير شوي بيطلع عن سطح المي - او بينفع تعملي رف - عنشان السلحفاه تطلع بسهوله من المي لتتريح وتوئف عليها..
المي غيريها بفترات ئريبه, ومفضل انك تكوني محضره مي من ئبل بالدلو, وكمان ما يكون فرء بدرجة حرارة المي ئبل وبعد مغيرتيها.
ادا كان فلتر بيكون منيح بس ما بيمنع انك تغيري المي بفترت ئريبه. السلحفاه بتحتاج لمحل دافي بحرارة 24 -29 والحراره اللي بتيجيها من فوء مش من جنب, اوئات اطلعي الحوض بالشمس وديري بالك انو المي تحمى كتيير بس خلي بالك انو يكون فيو مكان مظلل عنشان السلحفاه,

بالنسبه للاكل حطيلها اياتو بالمي عنشان تئدر تبلعو, مره باليوم لتتعود وشوي شوي صيري حطيلها مرتين,
وبهايا الفتره مفضل انك ما تتطلعي السلحفاه كتيير من حوضها عنشان تعرف انو هادا بيتها لتتأقلم, واهم اشي انك تغسلي ايديكي منيح بالمي والصابون بعد متمسكيها للسلحفاه, او حتى ادا غيرتي ميتها, واحسن ما تحمليها للاولاد الصغار ادا كان عندكو بالبيت