الكاسكو مايحب حبوب عباد الشمس

[hassan-55]

يتعود عليه اذا اجبر عليه

انا طيري قبل أيام كان مريض و أبعدت عنه الفواكه والخضار والزوبريم والمشكل البلجيكي
واجبرته على الحب (دوار الشمس) والخبز الناشف (الصامولي)
عشان كان عنده اسهال اكرمك الله
كان ما ياكل الحب دوار الشمس لكني اجبرته لانه اذا جاع الطير وما لقي الا هو اكيد ياكله

بالنسبه لسؤالك عن الصور اللي ارفقتها

الحبوب مثل اللي بالكيس اسفل الصوره اعتقد ما تسبب اسهال
اللي يسبب الاسهال غالباً تغذية الطير بالفاكهه والخضار بشكل مستمر يسبب اسهال
وأيضاً بعض الأحيان المشكل البلجيكي او الإيطالي او أي مشكل يحتوي على فاكهه وخضار مجففه
ولكن هذا نادر
واحيان بعض الحبوب وبالذات المشكل اذا كان قديم يسبب اسهال
بعض المحلات (اللي ما يخافون الله)
يبيع المشكل قديم ومعفن وبه حشرات وديدان (وهذا عن تجربه)

انصحك وانصح القارئ دائماً لا تأخذ كميه كبيره وخصوصاً المشكل
خذ 1 كيلو او 2 كيلو بالكبير اللي يمشيك شهر

والزوبريم ما يسبب اسهال اكرمك الله وخصوصاً اذا أعطيت الطير كميه بسيطه باليوم

انا اتبع برنامج بغذاء الطيور من سنين طويله

قبل النوم بالمساء اعطي الطيور نصف الكاس حب شمسي
واذا جاء الظهر اعطيهم كسرة صامولي ناشفه
واذا جيت اتغدى ا عطيهم كسره بسيطه تفاح او جزر او خيار (حسب الموجود ااكل نفسي واكل طيوري)
واعطيهم قليل رز وعظمة دجاج في عندي طير يحب كثير العظم والرز

والعصريه اخذ كم قطعه زوبريم واعطيه الطيور بيدي هذا اذا طلعتهم بالحوش العبهم

،،،،،،،،،،،،،،،،،،،،،،،
طمني وش صار على طيرك عساه شفي ان شاء الله؟