عندي متو عمره شهرين تقريبا

[روجيادا]

الحركه اللي وصفتها معناها ان الطير يريد تغره وان اشوف انك ماتفطمه خليك ع الغر ت يولف عليك الطير لانك لو فطمته وهو يخافك انسى انه يولف عليك . المتو من الطيور العنيده
خليه 24 ساعه معاك وين ماتروح ف البيت مع الوقت بيعرف انك مصدر الغذا ف بيتطمن لك وبينسى الخوف وتكلم معاه عشان يتعود ع الكلام ومايخاف لما حد يتكلم فجاه وخليه يتفاعل من كل افراد العايله اذا تريده اليف مع الكل ومايخاف حد بس اكثر وقته معك انت

[عماني143]

المشاركة الأصلية كتبت بواسطة روجيادا

الحركه اللي وصفتها معناها ان الطير يريد تغره وان اشوف انك ماتفطمه خليك ع الغر ت يولف عليك الطير لانك لو فطمته وهو يخافك انسى انه يولف عليك . المتو من الطيور العنيده
خليه 24 ساعه معاك وين ماتروح ف البيت مع الوقت بيعرف انك مصدر الغذا ف بيتطمن لك وبينسى الخوف وتكلم معاه عشان يتعود ع الكلام ومايخاف لما حد يتكلم فجاه وخليه يتفاعل من كل افراد العايله اذا تريده اليف مع الكل ومايخاف حد بس اكثر وقته معك انت

انا عزابي
عادي بيتعود علي

والحمد لله يمكن اقول بدأ يسمع الكلام شوي لما احط له اصبعي واقوله تعال يطلع باصبعي اذا كان داخل القفص عشان يخرج لكن اذا خارج فوق القفص ما يسمع الكلام


ولاحظته يرفرف بجناحيه ليتنشط او ليطير


هل تنصحوني اقصه ريشه ام اقتلعهن ام ماذا ؟

وشوه يعني غره

وياليت طريقة تقليم اضافره لانها حاده ومؤلم لما يصعد على يدي؟

[روجيادا]

المشاركة الأصلية كتبت بواسطة عماني143

انا عزابي
عادي بيتعود علي

والحمد لله يمكن اقول بدأ يسمع الكلام شوي لما احط له اصبعي واقوله تعال يطلع باصبعي اذا كان داخل القفص عشان يخرج لكن اذا خارج فوق القفص ما يسمع الكلام


ولاحظته يرفرف بجناحيه ليتنشط او ليطير


هل تنصحوني اقصه ريشه ام اقتلعهن ام ماذا ؟

وشوه يعني غره

وياليت طريقة تقليم اضافره لانها حاده ومؤلم لما يصعد على يدي؟

الا قلع او نتف الريش لا تفكر ف هالشي ابدا مامنه فايده الا انك بتأذي الطير وبيرجع الريش يطلع مره 2 كأنك ماسويت شي
قص الريش اذا تريد بس في طريقه للقص مش انك تجيب مقص وتسحب ع كل الريش
افرد الجناح وخلي اول ريشتين الطوال اللي ع برا لانهن مرتبطات بالعظم وقص من الثالثه وحتى توصل لاخر 5 ريشات اللي قريب من جسم الطير خليهن لانهن يساعدن ع الهبوط يعني بتقص من الوسط بس خلي اول 2 واخر 5 ومستوى القص يكون عند نهايه الريش الثاني يعني اطراف او نهايه الريش اللي فوق يغطن ع مكان القص عشان مايكون شكل الريش مشوه واذا حسيته لسه يطير قلل من ال5 لان المتو من الطيور القويه وخفيفه الوزن
هذي طريقتي ف قص الريش واذا فيها شي غلط اتمنى من الاعضاء التصحيح
بالنسبه للاظافر جيب مقص اظافر وقص الطرف الحاد بس لو دققت بتحصل داخل الظفر مثل الخط الوردي هذيك الشريان لاتقرب صوبه ابدا لان الطير بينزف لو قصيته واظافر المتو فاتحه ف راح يكون واضح معاك ف لا تبالغ ف القص خلي مسافه بين الشريان واظفر وفي النهايه انت تريد تقطع الطرف المدبب فقط