اشترك في نشرتنا البريدية ليصلك كل جديد

عاشق الكرواان · 15-01-2015, 12:30 AM

السلام عليكم

اخواني انا عندي زوج كوكتيل

وباضت تاريخ 21/12/2014 اول بيضة

باضت 4 بيضات .. بس للأسف يوم رحت اتأكد واشوف لو ملقح او لأ كسرت بيضة وحده بالغلط
بس الحمدلله كل البيوض ملقحآت.

المهم بقى لي 3 بيوض

كآن باقي للبيض تقريبا يومين او 3 عشان يفقص بس جفت ان الزوج ماقام يحظن البيض مثل قبل
رحت اكشف ع البيض اجوفهم بارد مب حار . مرات يحظنون البيض ومرات يسحبون عليه

وحصلت واحد من البيض فيه كسر خفيف .. قلت اكيد ماراح يفقص

المهم البيض الي فيه كسر خليته مع الزوج

اما البيضتين 2 خذيتهم وحطيتهم تحت الحمام .. لانه تحته بيض ف خليت يحظن بيض 2 من بيض الكوكتيل بعد .. يعني بيض الكوكتيل وبيض الحمام صار 4 بيضات حاظنهم ههه

صار له يوم ونص تقريبا وهو حاظن البيض .. اليوم كشفت على بيض الكوكتيل الي تحت الحممام

ب كشاف الهاتف

سبحان الله جفت الفرخ داخل البيض يتحرك ف بيضة وحده اما البيضه الثانيه ماجفت شي يتحرك بس في شعيرات دمويه ..

ف الحين ماعرف اخلي البيضه وله لازم افقصها بنفسي

لان لو فقص مستحيل اخليه مع الحمام .. راح ارجعه للعش يمكن الأب والام تأكل الفرخ

...

شو رايكم

احس انه انتاج فاشل للمره الثانيه

انتظر ردكم والسموحه طولت بالكتآبة

**علي طه البصري** · 15-01-2015, 02:48 PM

عليكم السلام
يوم ونص تحت الحمام ويوجد فرخ يتحرك ، هذا دلالة على ان الأبوين (الكروان) كانا يحضنان البيض وانت اخطات بتدخلك في حياة الطيور في الأيام الأخيرة من الحضانة ورفعت البيض
من الأفضل إرجاع البيضة للأبوين

Bagz · 15-01-2015, 08:01 PM

أنا مع كلام الأخ علي البصري من الأفضل إرجاع البيض تحت الجوز
وان شاء الله تشوف الفروخ عن قريب

عاشق الكرواان · 15-01-2015, 11:48 PM

مشكورين على ردكم

بس الابوين مايحظنون البيض

اغلب الاوقات اشوفهم برع العشش

؟؟

**علي طه البصري** · 16-01-2015, 02:11 PM

اقتباس:

المشاركة الأصلية كتبت بواسطة عاشق الكرواان

مشكورين على ردكم

بس الابوين مايحظنون البيض

اغلب الاوقات اشوفهم برع العشش

؟؟

كيف تكوَّن الفرخ داخل البيضة؟

عاشق الكرواان · 18-01-2015, 01:57 AM

صح اخوي ان كان الزوج يحظن البيض لين 17 يوم تقريبا
بس بعدها ماكانو يهتمون ابد فالبيض .. تركو البيض !! يومين كنت اجوفهم والمسس البيض كان بارد مب حار

ف خذيته وحطيته تحت الحمام .. ماكنت اريد اخسر الفروخ .. حطيت تحت الحمام تقريبا يومين وكشفت عليه جفت الفرخ يتحرك ف بيضه وحده .. واليوم اخوي قال ان جاف الفرخ يتحرك ف بيضه ثانيه بعد

ف الحين يوم يفقص .. لو رجعته للأب والام ( الكروان ) بيأكلون الفرخ وله ممكن يذبحونه ؟!

واذا مستحيل يأكلون الفرخ .. هل من الممكن اغره بنفسي من اول مايفقص !! بيكبر وله بيموت !

واليوم اخوي الصغير قال لي ان الأب والأم كانو يتزاوجون .. الذكر لقح الانثى .. ف مادري يمكن تبيض قريب

عاشق الكرواان · 18-01-2015, 06:42 AM

كشفت على البيض بنفسي الحين

الاثنين فيهم فروخ

بس واحد من الفروخ اقدر اسمع صوته

عاشق الكرواان · 18-01-2015, 04:35 PM

واحد من البيوض فقص وحطيته عند امه .. لو ماسوت شي باخذه وبغره بنفسي

والله يعين ><