خبراء الامزني يلوناب

[BIN ABDUL AZIZ]

الله يبارك لك في الطير اخوي

بالنسبة للحجل واضح انه فاقس في ٢٠١٤ لكن لو حبيت تستوضح اكثر تقدر تطلب شهادة السايتس من اللي شرته يمكن يكون مكتوب فيه اليوم و الشهر لكن تأكد ان مكتوب فيه صنف الطير Yellow Naped Amazon

اما ما يخص الريش هذا بسبب القفص اللي كان فيه ، اذا القفص كان صغير تلاقي الذيل منتوف اكثر ، نصيحة خذ له قفص اكبر احسن له و لنفسيته و ضروري توفر له ألعاب معلقه و احبال يتعلق عليها للعب .


و بما انك جديد على الامازون فنصيحة في اول شهرين خله يآكل من يدك اكثر شيء و يتعرف على كل المحيطين به ، فترة النوم ضرورية و الهدوء ضروري له وقت النوم و كذلك الظلام .

الطعام خله منوع خلال الاسبوع : Versele-Laga و ZuPreem شركتين فوق الممتازين و انصح بقوة بتنويع الاكل منهم ، بالإضافة ليومين في الاسبوع تعطيه خضار و فواكه

من عشرتي لليلوناب : كلما خليت حياته سعيده تلاقيه يعطيك اكثر و اكثر ، شخصيته المغرورة و اعتزازه بنفسه جميله جداً ، يحب النظافه و راح يحبك اكثر لو خليت بيئته نظيفه ، اليلوناب يحس بصاحبه و يتعاطف معاه بمجرد ما يضغط بمنقاره بشكل خفيف على اصابع صاحبه ، يحب يشارك صاحبه في الاكل و التنقل ، اذا غار يكتمها في نفسه.