غذائك دوائك

[شاهستا]

وعليكم السلام ورحمه الله

اهلا بنجمنا وسيم
بشكرك على موضوعك المفيد وكلامك حقيقى صح

بس فى كام نقطه مختلفه معاك فيهم

عمليات الخصى > انا حقيقى من مؤيدين الفكره جدا لان لو ركز فى اعداد القطط

الفظيعه والقطط المشرده والى اصحابها مش بيقدرو يتحملوهم

وبعد ما القطه تنجب كيتنز بيرموهم فى الشارع لانهم مش قادرين يتحملو مسئوليتهم

وهنا بنزيد فى اعداد القطط المشرده و بنزيد من العذاب الى بيحصل كل يوم فى الشوارع

ف طبعا ده حلو كويس جدا انه بيقلل اعداد القطط واتمنى من كل المربيين انهم يفكرو فيه

بطريقه صحيحه وعلى فكره بعد الخصى او التعقيم للاناث القطط بتكون بصحه سليمه جدا


النقطه التانيه وهى خروج القط من المنزل

فى مربيين معانا هيفهموا ده انهم يسيبوا قططهم فى الشارع او فى الجنينه بدون رقابه

طبعا لو ده حصل هتكون كارثه لان هيحصل 3 حاجات

يا اما القط هيموت تحت عجلات السيارات

يا اما هيتوه او يتسرق

ف حبيت بس اوضح للمربيين كويس انك تطلع قطك الجنينه بس لازم يكون تحت عنيك

والى معندهمش جنينه البلكونه موجوده بس بردو حاسبو ينط منها

غير كده انا متفقه معاك فى كل حاجه قولتها

الادويه والكيماويات وعلاج الدكاتره الغلط وسوء التغذيه دى اهم الاسباب فى موت القطط

يعنى بمعنى اصح منلجأش لادويه غير لما نلاقى الحاله تعبانه فعلا

وبردو عشان الناس متفهمش غلط

التأخر فى علاج الامراض بيؤدى لموت القطط اكيد وتطور حالتهم


بشكرك وسيم على موضوعك وانك فتحت باب النقاش ف نقطه مهمه

فى انتظار جديدك