امزوني فرخ وحش

[الطنقم]

المشاركة الأصلية كتبت بواسطة kha6ab

الطير جديد طبيعي بيخاف حتى لو اليف , كيف وهو شرس !
وغلط تقرب منه بأول يوم وانت الله يهديك جالس تمسكه وتكتفه وماتبيه يعض هههه
اصبر عليه خله يرتاح ويتأقلم اول شي


شوف

"اول اسبوع"
لاتقرب منه ابداً
بس غيرله الاكل والمويا وبس
هذا عشان يرتاح ويتأقلم بالبيت الجديد



"ثاني اسبوع"
قرب القفص وانت جالس بالكمبيوتر ولا بالتلفزيون
ولاتقعد تنوشه وتمدمدله اصابعك وتناظر فيه |: ترا يعرف
خله في حاله عشان يعرف انك مو مصدر خطر له وماتبي تأذيه
* وكل يوم قرب القفص اكثـر *

وبرضوا لاتتحرك حركات مفاجئه وسريعه خلك هادي وهو جنبك
وكذا ان شاء الله بيروح الخوف تدريجياً , مع الوقت


"ثالث اسبوع تقريباً"
أو لين تشوفه خلاص لمن تمر من جنبه مايخاف ولا شي
بعدها فك القفص وخله يطلع ولا تقرب منه وتطاردهـ خليه في حاله
وبعد كم يوم
حاول انك تعطيه اكل بيدك ومدها بشويش وثبتها وشوف يجيك ولا لا , اذا ماجاك جوعه شوي
وانتبه تدخل يدك داخل قفصه "قلك تبي تعطيه أكل"
هذي الحركه تزعج الطير وراح يعضك حتى لو كان اليف لأنه بيته



..........

إتبع هالطريقه وان شاء الله يتروض لكن اصبر عليه بس

وصح ان هالطريقه طويله وممله شوي , لكن هذي نتائجها افضل
لان الطير بيكون مرتاح لك وبيثق فيك لانك ماقد أذيته ولا شي
وثقته وجرأته بتكون موجودهـ

اما مسك الطير واجبارهـ
صحيح ان هالطرق تروض لكن ترويض بالخوف والقوة وهذا الشي تضعف من شخصيته
وتروح جرأته !

واقصد بالجرأة , يعني يكون ما يكون خواف مع غيرك , ويتعلم الكلمات اسرع ويقولها قدامك مايستحي ويسكت .


اتمنى إني افدتك

موفق .

..
.

نفس اللي سويته مع طيري تقريبا وماشاء الله ضبط معاي