ساعدوني في ايجاد حل مع ببغاء الكاسكو

[iarwa]

المشاركة الأصلية كتبت بواسطة شرارة

شفت الصورة بضبط نفس الطيراللي كان عندي النتف متركز في الصدر
والارجل والذيل على العموم مادام الطيرعندك من تسع اشهر
وكان سليم تاكدي انكم انتم السبب الطير يا تعرض لاهمال او عنف
وممكن محد يكلمه ولا يلعب معه بإدين كيف تسع اشهرولحد الان يجعر؟ معناته ماكنتم تعطونه وجه
غيرو اسلوبكم معاه وراح يطيب ويرجع افضل من اول والطريقه اللي كتبتها
لك بعد بحث وتجربه دامة ست اشهر وهي تجربه خاصه والحمدلله الطير طاب

شكرا لك يا اخي .. الطير من اول ما شريته كان ينتف ريشه في البدايه توقعنا انه يبدل الريش وفي مرحلة نمو بس بعد ما صارت رقبته شبه خاليه من الريش وبدا ينتف صدره ادركنا انه شي غير طبيعي ويحتاج لعلاج وديته لاكثر من مره عند بيطري واعطوني املاح احطها في المويه بس ان مستمر في النتف الى الان..

انا حاطتله العاب في قفصه ومخصصه جزء من يومي ان العب معاه وادربه على كلمات جديده بالاضافه انه حافظ اسمي واسم كم فرد من افراد الاسره واذا دخلت الغرفه ينزل من قفصه ويوقف على كتفي فما اتوقع انه شي نفسي او ان سوء تعامل مننا لانه ودود ويحب كل افراد الاسره والكل يشارك في ترفيه الطير ..

انا ماقلت ان الطير يجعر .. وماقد سمعته يجعر من اول ما شريته بس ان اول ما يشوف المويه او البخاخ يطلع صوت كانه صوت ثعبان وينفش ريشه للتحدي ..

انا لي ثلاث اشهر احممه واطلعه يتشمس وابخه واحرص ان يكون اكله متكامل وصحي بالاضافه اني اعطيه مكملات غذائيه واملاح وصفها لي الطبيب لنفسية الطير بس لا زال مستمر في التنتيف



لهذا السبب انا سالت عن الستره والطوق والزيوت باعتقاد ان يمكن يكون حساسيه عنده وينتف ريشه بسبب الحك لان الواضح كل الاحتياطات اللي ماخذتها ما افادته


هذا موب الطير الوحيد اللي عندي وكلهم صحتهم مممتازه فما اعتقد انه بسبب شي احنا تسببنا فيه