ياليت اللي يدخل يرد ويعطيني النصيحه للأهمية

[طـــارق]

السلام عليكم ورحمة الله وبركاتة

صباحكم ورد جميعا .

ابي منكم خدمه بسيطه . طيري الكاسكو طار سما وخلاني شريته من اسبوعين وغلطتي فكيته في الاستراحه وروح سحب علي .

الحين اللي ابيه بشتري واحد ورحت السوق بس تخبرون مافيه خبره كافيه اخاف اخذ واحد ويطلع فيه بلا .

حصلت فروخ كثير وفيه اللي محجل فضي وذهبي وفيه بدون حجل يعني صيد اتوقع
واسعار المحجل 2300 ريال واسعار اللي بدون حجل من 1500 الى 1700 ريال واعمارها اقل من 7 شهور تقريبا بس مادري وش وضعها اللي ابي اعرفه اذا صار لسان الببغاء ابيض او مايل للصفار ومو ناشف فيه زي اللعاب او زي الماء هل يدل ان فيه مرض والشي الثاني الوانها مو فاتحه مره غامقه شوي بس مو غامقه لدرجة الغيني افتح من الغيني ابي شوركم ونصايحكم ووش الافضل اخذ محجل او بدون حجل ولو احد من اهل الخبره في الرياض وفاضي يسوي خير فيني اقابله ونروح نشوف وضعها وحالتها واشتري على نصيحته اكون له من الشاكرين .

وسسسسسسسلامتكم ..

[ابو على2]

وعليكم السلام ورحمة الله وبركاته الله يعوض عليك افضلك تخذلك واحد صيد علشان انت لسه مبتدى والصيد مناعته اقوى من المحلي وسعرو كويس بس لو كان اليف والله يا اخوي مالي خبره كويس بس انا كان عندي كاسكو وكان لسانه اسود الافضل لا شريت الببغاء تشرط على صاحب الطير الصحة وتروح لطبيب بيطري يكشفلك عليه كامل على 50 ريال هذا لون الفرخ الكاسكو الطبيعي بس بعد تغير الريش وهو كل سنة تحصل وتسمى القلش يصير فاتح لون الببغاء مثل ما ذكرة فوق افضل الصيد للاسف ياخوي انا ماني من اهل الرياض الله يسلمك بتوفيق

[طـــارق]

المشكله اصحاب المحلات يرفض انك تفحص على الطير يقولك هذا هو قدامك تبيه ولا مع السلامه

الله يوفقك اخوي ابو علي على مرورك تحياتي لك .

[ابو على2]

طيب يا اخي انت ايش اللى يجبرك على انك تشتري من المحلات تقدر تشتري من منتدى تو زوو من قسم البيع وتشوف اللى تبيه ولو ما لقيت وهذا مستحيل بامكانك ان تذهب اللى قسم الشراء وتسوي موضوع وتطلب كاسكو في الرياض وتقول المميزات الى تبيها الخ وانشاء الله تلقى اللى يريحك بتوفيق

[طـــارق]

الله يطول بعمرك اخوي ابو علي بحثت في الموقع وحصلت شخصين عندهم مجموعه وجاري المشاورات على واحد منهم وان شاء الله يكتب اللي في خير لي وللجميع قريبا ان شاء الله انزل صور للضيف الجديد وبعون الله يكون مستواه حلووو انتظروني قريبا .....

[انسان عاشق حر]

و عليكم السلام و الله يعوضك فير منه شوف روح المصيود أقوى من المحجل في حاجتين 1-مناعته قويه 2-سعره أرخص و الله يوفقك و يعطيك خيره و يبعد عنك شره و بالتوفيق أخوي العزيز الفاضل و تقبل مروري و الأعضاء ما بيقصرون معاك إن شاء الله .

[طـــارق]

هلا فيك اخوي انسان عاشق ماقصرت الله يسعدك وهذا اللي بيصير ان شاء الله قررت اخذ المصيود لاني اشوف اغلب الشباب ينصح فيه وخاصه اذا صار فرخ يكون سهل توليفه واليوم بقابل الرجال والله يكتب اللي فيه الخير
اشكرك على المرور وعلى المعلومه