فروخي ماتت دعوه للنقاش ( مسببات الامراض والوقايه )

[Sayo~nara]

اشكرك على فتح باب النقاش .. بصراحه استفدت ..
الحمد لله ما ليا تجارب في تربية فروخ غر .. ربيت فروخ من بعد الفطام من عمر شهرين
الحمد لله ما مرت عليا امراض خطيرة
بس كان طيري الاول في بداية تربيتي كان يتقيأ .. وقتها كنت زي المجنونه خفت افقده لاني مرة احبه
بس الحمد لله نصحني شخص جزاه الله خير اني احط له في المويا نقاط من خل التفاح والحمد لله اتحسن

كمان مرة طيري كان يطير والغرفه ظلمة فالظاهر انه اصدم بالدولاب وحصل له رضوض في عينه وحمرت
كمدتها بالشاي بس مرة وحده لانه مرة كان عنيدد ويعض
وبعدين سبته لوحده اتحسن الحمد لله
هذه هيا بس مجمل الامراض اللي واجهتني والحمد لله
لكن حكاية الديدان اول مرة اسمع بيها ويبغالي انتبه واتحذر منها
اشكرك نبهتيني ..
وانا افضل انو المبتدىء في التربية اول مرة ما يربي فروخ غر .. افضل شي انه يجرب اولا يربي فروخ تكون فطومه ولما يتعلم شوية شوية يبدأ يربي فروخ غر
عشان لا نحزن ولا ناخد ذنب الطيور اللي تموت علينا واحنا مالنا خبره كافية
وبالتوفيق يا رب