السلام عليكم
ادري كل يوم والثاني ناطه اليكم باستفسار
الزوج الأول
اشتريت قبل فترة ذكر بالغ لما اشتريته كان معاه بنفس القفص انثى بس طايح ريشها قال لي صاحب المحل الانثى معاها حساسية بس صحتها ممتازه
المهم جبته وكان مثل المجنون تغريد طول اليوم دون توقف ماخف من تغريده الا لما وضعت معاه انثى
وركبت بياضة ولاحضت انهم توالفوا وماشاء الله صاروا يتزاوجوا ويتناوبوا على دخول البياضة واحيانا يدخلوا سوا بس وقت النوم يناموا برا البياضة
بس الذكر عنيف دايم ينتف ريش الانثى بكثرة
وتذكرت الانثى اللي كانت معاه بالمحل يعني مامعاها حساسيه كانت متاذية من الذكر وصاحب المحل شكله مايدري انه من الذكر وطاح في حظي
الانثى حقته كانت تعاني من اسهال وشفت منه بس تأكل بكثرة غير عن بقية الطيور اللي عندي
بس هالايام اشوف فضلاتها شكله غريب مو اسهال
بس ما ادري كيف اوصفه هذه صورته
طبعا الريش هذا ريشها من الذكر المتوحش اللي وياها
وش اسوي مع الذكر شكله طبعه عنيف او عدواني مع الاناث ؟؟
والفضلات هذه ليش شكلها كذا ؟ من وش تعاني الانثى ؟؟
افصلي الذكر عن الانثى لمدة اسبوع و خلي الذكر في القفص اللي فيه بياضه والانثى في قفص عادي مقابله مع اعطائهم محفزات جنسيه
وو رجعيهم بعد اسبوع على بعض
بخصوص الفضلات اكرم الله الجميع عادي ومااافيه اي خوووووووووووووف باذن الله بالعكس شي طبيعي
و طيورك سليمه و لله الحمد
الزوج الثاني
هذا ثاني انتاج للاسف وهذا صورته
الزوج خف وزنهم كثير لانهم ملازمين البياضة لمدة انتاجين ورا بعض تقريبا شهرين الحين شلت البياضة ابيهم على الاقل شهر يرتاحوا وترجع صحتهم مثل قبل
بس حزني اشكالهم لما شلت البياضة دايم يروحوا الى مكانها ويطلعوا اصوات حزينه
اكثر واحد تضرر هو الذكر من الضعف صار مومياء مافيه غير عيونه جحظت من الضعف
اخاف بيوم اجي اشوف بس ريشه يتحرك ههههههه
هذا هو الذكر ماكان شكله كذا كان كبير وعيونه ماكانت كذا
هل هذا الذكر غير بالغ لذلك البيض يكون غير ملقح ؟؟
واذا كان غير بالغ بقي كم شهر لين يكون جاهز ؟
كيف اخلي جسمهم يرجع زي قبل ؟؟
هل طبيعي ان كل زوج يمر بمرحلة الانتاج ينزل وزنه ؟؟
الذكررر بالغ و جاهز للانتااااااااج
اعطيهم خبز صامولي حتى يرجع زي ما هو مع اعطائهم ثوم بالليمون
احياناا ينزل الوزن وقت الانتاج و احياناا لا
الزوج الثالث
هذه الحركات يسويها الزوج ( ذكر وانثى ) ؟ او عادي حركه عاديه حتى بين الذكور او بين الاناث ؟
الرجاء اجابتي عن استفساراتي و اعتذر على كثرة اسالتي
باذن الواحد الاحد زوج المشكله ريش جناحه مو واضح لانه مقصوص
والحركه طبيعيه يسووها الذكور اذا مع بعض والاناث مع بعض و ايضا الفروخ
10-01-2013, 10:15 AM
العرض الشجري
