عيونَ وأحد من البيبز

[Mad Mood]

اهلين

لا مو صح خذي راحتك

اعرف الحالة اللي تمرين فيها لأني مريت فيها كثير واحترت فيها لكن الحمدلله عرفت السبب

اولا عيونه طبيعية 100%

لكن

احيانا الهامستر يظهر على عينه شيء من الاختلاف اللي ما يظهر الا بالتدقيق وفي الغالب ما ينتبه له إلا مربيه

السبب هو ان الهامستر بالذات من الحيوانات اللي تملك "محجر عين" مرن جداً ومطاطي

وتقدرين تتأكدين من هالشي بنفسك.. امسكي الهامستر بيدك بحيث ما يظهر منه إلا راسه.. واضغطي بأصابعك كلها ضغطة خفيفة جداً لمدة ثانية او اقل وفكي الضغط بسرعة.. في هالثانية بتلاقين عيونه كأنها بتطلع من راسه ورح تبين معاك عضلات العين الداخلية الملتصقة بالنصف الداخلي من عيونه.. طبعا هالحركة مافيها اي ضرر ع الهامستر

سبب هذه التركيبة التشريحية للعين هو ان الهامستر مخلوق للهرب وليس للمواجهة.. لذلك تشوفينه يهرب من فتحات صغيرة جدا ما يصدق الواحد انه هرب منها حتى يشوفه بنفسه.. وطبعا هذا التفسير ينطبق على التركيبة التشريحية لبقية جسمه مثل عظامه الرخوة وجمجمته الصغيرة الحجم جدا مقارنة بجسمه ومرونة عضلات جسده كلها بما فيها عضلات العينين.. وعشان كذا معروف عن الهامستر انه يقدر يهرب من اي فتحة طالما تكفي لعبور جمجمته من خلالها

الحين بعد ما عرفنا هالمعلومات عن الهامستر

صرنا نعرف ليه تبين عيونه كأنها مو في مكانها او شكلها الطبيعي بعض الاحيان

وعلى فكرة حتى احنا البشر فينا شبه للهامستر مثلا لما تصحين من النوم وتحسين عيونك مو طبيعية او جفونك منتفخة اما بسبب النوم الطويل او السهر الطويل يعني الراحة الزايدة او التعب الزايد.. هذي عضلات العين متغير حجمها ومصيره يرجع طبيعي ونفس الشي للهامستر كلها ايام او ساعات ويرجع طبيعي