سؤال عن الببغاء الهولندي

[بكاتشو]

السلام عليكم
الف مبروك
الببغاء الهولندي افضل ببغاء لتربية البيت ومع الاطفال
اخوي حطه في قفص اقل شي 40*40 بارتفاع 50 وحط له العاب خشبيه تحصلها بالمحلات وخاصه بالكاسكو عشان ما تاخذ العاب صغيره وتكون خطره عليه
الاكل عطه مخلط بلجيكي حبوب نعطه فواكه مجففه وكل يومين مثلا حط له فواكه طبيعيه مثل موز تفاح بدون بذر خيار خس كيوي
روش الطير كل اسبوع بس انتبه لتدفئة الطير لانه فعلا حساس من ناحية البرد
حط له جزر مسلوق لانه فيه فيتامين (الف) ومفيد لجمال الريش
عندك الكالسيوم علق له بالقفص كالسيوم ومره او مرتين عطه عظم فخذ الدجاج يطقطق عليه بس يصير مطبوخ ومنزوع اللحم منه
عندك قطره ملتي فيتامين تحط مع الماء مرتين بالاسبوع ثلاث او اربع قطرات في مشرب الماء
طلع الطير والعب معه وخله يفرغ طاقته ولا يفقد ولافته
نظافة القفص مهم مهم مهم والاكل والماء تكون نظيفه والماء ماء حلو مو من الحنفيه لان ماء الحنفيه فيه ماده الكلور عاليه
والف مبروك مره ثانيه وتأكد انك ما شاء الله ملكت ببغاء من الافضل للتربيه بس احرص علىه من البرد لانه اقل مناعه على الاقل اول سته شهور لانه اذا كبر يكون اكثر مناعه
يمكن هذا اللي اعرف والأعضاء يفيدونك بالباقي والله يحفظك اخوي