قط شيرازي ارجو المساعده

[ALAMOUDI]

وعليكم السلام ورحمة الله وبركاته
هلا وغلا أخ أكزافي
بما أن القط كان عند عمك فأكيد كان طبعه أليف يعني متعود عالبيوت
بس الفتره اللي عاشها بالشارع طبعا" يتغير عليه الجو مرررره في كلاب وفي عيال يركضو وراه وسيارات وإزعاج وكذا ماكان متعود عليها علشان كذا صار شراني أو بالأصح صار يخاف ومو متقبل الناس
لكن تقدر بطريقه سهله انك تعوده عليك أو عالبيت وهي انك تشتري مثلا جبنه مثلثات واذا شفته تفتح حبه وتجلس من بعيد بشويش علشان مايخاف وترميها قريب منه ولاتتحرك علشان مايخاف ويهرب وتخليه يآكلها ألين يخلصها بعدين اليوم اللي بعده لو شفته نفس الطريقه بس هالمره تكون أقرب لباب بيتكم وكذا خلاص راح يتعود عليك وراح يعرف انك ماراح تضربه الين شوي شوي تقدر توقف داخل البيت وترمي له الجبنه عند مدخل البيت راح تلقاه يدخل ويآكلها وهو خايف نوعا ما بس اذا انت ماخوفته وتركته يآكل براحته راح يتعود عليك يعني حاول تآخذه بالتدريج إلين يتعود على انك تأكله بعد كم يوم حاول انك تأكله من يدك واذا أكل حاول انك تمسح على ظهره وهو مشغول بالأكل أو انك تحك له راسه لأن القطط تحب هذي الحركه بعدين خلاص راح يصير أليف وراح تقدر تربيه وانت مطمن ..
اتمنى إني أفدتك
ع فكره هذي الحركه أسويها مع كثير من قطط الشارع وتنجح بقوووه مع الأغلبيه

تقبل مروري ودمت بخير ..