السلام عليكم , إستفسار وأرجو الرد

[Undercover]

تسلملي يا باشا بجد معلومات فيها الإفاده , بالنسبه للغرض أنا عندي ملجأ أيتام وحضرتك عارف الظروف بعد الثورة في مصر ومش عايز أقعد أستنى تبرعات فأنا وشركائي كل واحد فينا فكر في مشروع يعمله يساعدنا أننا نصرف على البيت بتاعنا وأنا بحب الكلاب ولقيت أنها مشروع مربح ولقيت الشباب في مصر بيتجنن على الكلاب ولاد أبطال العالم فالفكرة إني أربيها وأخد منها جراوي وأعرضها للبيع , ولو سمحت إستفسار تانى طريقة تحديد الكلب الجيد عن طريق البدجري يعنى إزاي لما اشوفها أعرف أن الكلب ده هو الكلب المطلوب وفي ناس بتديني لينك موقع زي اللينك ده

............

إزاي عن طريقه أعرف أن الكلب ده نسبه كويس لأني بدخل عليه بحس أنى هندي يعنى بدوس على أى كلمة فيه علشان تجيب المواصفات , وسؤال تانى معلش تاعبك هل في فحوصات للكلاب ممكن أعملها ليها أشوفها قادره على الإنجاب ولا لا ؟ وبتاخد وقت قد إيه
أنا عارف أني تاعبك معايا بس ربنا يجعله في ميزان حسناتك إن شاء الله
تقبل إحترامي وشكراً على ردك