مساعده في اسرع وقت

[طير المملكة]

عليكم السلام ورحمة الله وبركاته

طبعا انا احط على طيورك من 3الى 4 شهور دام يعضون مثل ماقلت

المهم سبب العض الاول والاخير يعود لصاحبهم اكيد انه مان حابسهم

وما يخرجهم ولهذا لازم نبدأ ترويضهم اول وبعدها التدريبات

البس قفاز سميك وامسك الي يعض وخليه يعض الى ان ييأس ويعرف انه عضه

لا فائدة له واعمل له هالشيء 3 مرات في اليوم مرتين متتاليتين بحيث المرة الاولى

تتركة دقيقتين الى 4 دقائق وترجع تمسكه والمرة الثالثة بعد ثلاث ساعات او اكثر حسب الامكانية

ونهاية المرة الثالثة حط في صبعك عسل وخليه يذوقه بفمه

وعن الثاني الي يوقف على يدك ويطير حاول تقص ريش جناحاته

ومثل ما قالك الاستاذ بو ريمان خليه يطفش من الجلسة معاك خليهم دايما جنبك خارج القفص

وعطهم اكل وان شاء الله ما راح يفارقونك