مساعدة مع ببغاء الدرة...

[sanjnaa]

مساء الخير ،
كل عام وانتو بخير











اخواني ممكن تفيدوني بعمر هالببغاء و جنسه ؟
جاني هدية اليوم وما اعرف شيء الا انه اسمه الدرة .. وريشة احسه مغبر و تعبان ><
دورت في النت واشوف الي يقول درة هندي ونيبالي و افريقي >> كيف اعرف؟
و لو كان كبير اقصد عمره كبيره راح يكون صعب علي ادربه ولا عادي؟


و جزاكم الله خير مقدما.

[الفسفوري]

امممممم والله في العمر مادري ماقدر افيدك

بس الجنس ذكر

والتمييز بين الذكر والانثى من خلال الطوق الاسود

اللي عليه طوق ذكر

الانثى ما يجيها طووق اسود زي هذا

اما عند الترويض انتا وصبرك

انا روضت نفس هذا اللي معاك في اسبوعين فقط

^_*

[تغاريد كناري]

ذكررر .....العمر على ما أعتقد فوق السنه

[sanjnaa]

الفسفوري - حلو انك روضته باسبوعين .. عاد انا دبل الاسبوعين شكله بيصير هههههه
مشكور ع سرعة الرد

تغاريد كناري يعطيك العافيه .. ارتحت انه ذكر اشوفهم يقولون الانثى صعب ترويضها

[O.habeeb]

1000 مبروك
ذكر عمره فوق السنة

[D7oooom]

هذا ذكر بالغ

وطبعا بيكون اصعب من الفروخ لكن انت وفنك

تقدر تروضه لا تنسى الصبر ثم الصبر ثم الصبر

[sanjnaa]

الله يبارك فيك

ايوه حسيته مره هادي ويخاف وبس يدور في القفص
بصراحة خايفة اقرب منه اكثر لان شكل عضته ياسلااام
بس الصبر زين مثل ماقلتوا

شكرا لكم

[الفسفوري]

لاتخافي منه

البسي قفاز عريض وخليه يعضك لين يبطل يعض

او لفي على اصباعك لصق شفاف يصير لما يبغى يعض يزحلق منقارة وما يقدر

[nami_san]

هذا الببغاء ذكر وعمره مبين نفس عمر ببغائي.ببغائي قالولي عمره 18 شهر وهذا دره هندي انا ايضا عندي مشكله في الترويض صارلي شهرين مع هذا الببغاء ودايما اوكله بيدي بس مافي فايده
الفسفوري الله يخليك قوللنا كيف روضتو باسبوعين؟؟؟؟؟؟؟؟؟؟؟؟

[الفسفوري]

المشاركة الأصلية كتبت بواسطة nami_san

الفسفوري الله يخليك قوللنا كيف روضتو باسبوعين؟؟؟؟؟؟؟؟؟؟؟؟

^_^ هع هع حسيت اني فاهم

المهم

بعطيكم عدة طرق من اللي سويتها انا وانتو جربو المناسب لكم

1. جووع الطير ... يعني شيل الاكل وخلي الموية بس وبعدين طلعه من القفص وحطه على ستاند او اي شي مرتفع في مستواك يكون واكله فصفص (تباع الشمس)
ممكن ياكل وممكن بس يسحبها منك ويرميها

اذا اكل حلوو ,, واذا ما اكل رجعه القفص وحطله 5 حبات فصفص بس

وارجع له بعدين وكرر نفس الطريقة


2.وانتا جالس على النت او تتابع تلفزيون خليه قريب منك في القفص ولا تهتم فيه ولا تطالع له حتى لو صفر
يعني اسحب عليه ولا كانه موجود ,, (عشان يتعود عليك)

3. حاول تدخل يدك جوا القفص وتخليه يطلع على يدك وكرر المحاولة اكثر من مرة ..
ملاحظة/ اذا نزل الطير اسفل القفص اتركه وبعد عنه لانه راح يكون عدائي ..

4. تقدر تستخدم القفاز اذا تخاف من عضته وتقدر تلف على اصباعك لصق شفاف عشان اذا حاول يعض يزحلق منقارة. . .
ملاحظة/ انصح باستخدام اللصق الشفاف احسن من القفاز ,, عشان لا يتعود على القفاز . . بعدين يصير يطلع على يدك اذا صرت لابس القفاز فقط..

5. اهم شي خلي حركاتك مع الطير بالبطيء يعني لا تسوي اي حركة بسرعه ابدا عشان لا يخاف , ,

6. خليه يعضك لين يشبع عض , وبكذا بيكون طفش من العض ويحس ان العض ما راح يجيب نتيجة ,,


7. قص الجناح راح يخليه يستسلم لك اكثر في حالة انه طلع على يدك

ملاحظة/ جميع ما سبق من واقع تجربة

واي استفسارات راح افيدكم بخبرتي المتواضعه جدا , ,