استفسار بخصوص الفقاسه ( مبتدئ )

[صمت الأمل]

أخي العزيز ابو اروى :


تصدق اني انقهرت لما شفت ردكـ ؟؟


تدري ليش ؟؟














لأن واللهـ ماعندي غير ختم الرد المميز لردكـ الرائع .


جزاكـ ربي بالجنهـ ماتركت لي شيء اقولهـ أو أعلق عليهـ ..


ماعندي غير اني أأيد على كلامكـ 1000% ,, خصوصا على الفقاسهـ .


أخي العزيز ذيب حدهـ :


ارجوكـ لاتتركـ السعر يلعب براسكـ .. ترى الرخيص لهـ عواقب كبيرهـ ..


اذا كان تفكيركـ وتخطيطكـ للتفقيس والتجارهـ بالدواجن ,, خطط صح وابدأ صح .


اشتري شيء مضمون وممتاز ويعيش معكـ لفترهـ طويلهـ بإذن اللهـ وبدون ماتشيل هم الأعطال أو التشوهات .


صحيح السعر شوي عالي .. لكن أنت ماراح تشتري فقاسهـ كل يوم أو حتى كل سنهـ ..


والإيطاليهـ ماعليها غبار أو كلام .


وخليكـ حاليا مع ابو أروى بما انهـ بدأ معكـ وسبقني اللهـ يجزاهـ خير وتوكل على اللهـ وطبق نصائحهـ .


متابعهـ معكم دوما .

[ذيب جدة]

الله يعطيكم العافيه على نصائحكم الطيبه اللي اكيد راح تكون في محل اهتمامي

اتمنى اني ما ازعجكم باستفساراتي لكن ماقول الا الله يجزاكم كل خير

انا اكيد ابحث عن المكسب الايطالية لقيت جديده 1500 ومستعملة 700 ريال ، هل تنصحوني بالمستعمله بما ان ماعليها غباار


مع التفكير الطويل بهذه الفكره تولد اسئله جديده واتمنى منكم معذرتي

وان شاء الله يستفيد منها كل من يمر من هنا


استفساراتي هذه بخصوص ( فترة الحضانه )

اول استفسار كان قبل رد الاحت صمت الامل

وهو بخصوص المكان المزرعه واجوائها تؤثر على الصيصان علما اني افكر ابني لها غرفه خشبيه ( صندقه )
لأن غرفة السطح فيها مشكلة راح ابينها في الاستفسار الثاني

ثاني استفسار
جنب بينتا مخبز والمدخنه لاصقه في جدار السطح وبعيده عن الغرفه حدود 5 امتار هل تؤثر على الصيصان في اول شهرين ولا باب الغرفه يحل المشكله باغلاقه .


بأنتظار اخي المبدع ابو اروي وبانتظار اختي المبدعة صمت الامل وبانتظار كل من يتحملني
والله يجزاكم خير في الدنيا والاخره ان شاء الله

اخوكم ذيب جده

[ابـ اروى ـو]

المشاركة الأصلية كتبت بواسطة ذيب حدة

الله يعطيكم العافيه على نصائحكم الطيبه اللي اكيد راح تكون في محل اهتمامي

اتمنى اني ما ازعجكم باستفساراتي لكن ماقول الا الله يجزاكم كل خير

انا اكيد ابحث عن المكسب الايطالية لقيت جديده 1500 ومستعملة 700 ريال ، هل تنصحوني بالمستعمله بما ان ماعليها غباار


مع التفكير الطويل بهذه الفكره تولد اسئله جديده واتمنى منكم معذرتي

وان شاء الله يستفيد منها كل من يمر من هنا


استفساراتي هذه بخصوص ( فترة الحضانه )

اول استفسار كان قبل رد الاحت صمت الامل

وهو بخصوص المكان المزرعه واجوائها تؤثر على الصيصان علما اني افكر ابني لها غرفه خشبيه ( صندقه )
لأن غرفة السطح فيها مشكلة راح ابينها في الاستفسار الثاني

ثاني استفسار
جنب بينتا مخبز والمدخنه لاصقه في جدار السطح وبعيده عن الغرفه حدود 5 امتار هل تؤثر على الصيصان في اول شهرين ولا باب الغرفه يحل المشكله باغلاقه .


بأنتظار اخي المبدع ابو اروي وبانتظار اختي المبدعة صمت الامل وبانتظار كل من يتحملني
والله يجزاكم خير في الدنيا والاخره ان شاء الله

اخوكم ذيب جده

اولا احب اشكر الاخت صمت الأمل على هالاطراء والمدح الي اعتقد أني لا استحقه فانا مجرد طالب عند ما تمتلكه من معلومه وخبره فلها مني جزيل الشكر ووافر الامتنان على هالثقة الغاليه

ثاني اخي الحبيب نسعد كثيرا بالتواصل معك وبالاجابة على استفساراتك عسى الله انه ينفع بها
بخصوص الفقاسه المستعمله وذا استعمال حشمه وجميع مكوناتها سليمه وأجهزتها تعمل فسعرها مناسب خذها وان شاء الله من إنتاجها تشتري جديده
اما بخصوص المدخنة اذا الدخان ما يدخل في الغرفة اذا سكرت الباب فما عليهم ما يضرهم
هذا ما لدي واتمنى أني افدتك واتمنى من الاخوان ما يبخلون علينا بمعلوماتهم
تحياتي للجميع
وربي يوفقك

[عبدالله2012]

مشكور على الموضوع ويعطيكم العافيه جميعن

تقبلو مروري

[ذيب جدة]

الله يعطيك العافيه على الاجابات الشافيه
وجزاك الله خير الجزاء

شكرا لك اخوي ابو اروى

اخوك ذيب

[جنوبي0565]

واذ احد يعرف احد يبيع بيض مخصب رومي ولا بلدي لا يبخل علينا .... في الطائف (:

[ذيب جدة]

للاسف اخوي جنوبي مآعرف شي بالطايف



ابو اروى الله يسعدك عندي استفسار بخصوص هذا المقياس




هذا موجود داخل الفقاسه ويقيس حرارتها . اقدر اطلعه منها واقيس فيه حرارة الجو في الغرفة
يعني هل يمكن استفيد منه باستخدامين
واحد لقياس الحرارة داخل الفقاسه
الثاني اقيس فيه حرارة الغرفه اللي بحط فيها الحضانه


اخوك ذيب

[ابـ اروى ـو]

هلا اخوي ذيب
ينفع جداً ومشاء الله تدريجين فهرنهايت ومئوي مزدوج التدريج حلو
وللمعلوميه ترى درجة الغرفه نسبيه مو بالضروره تكون عند درجه معينه يمكن احسها ذاتيا
تحياتي لك
دمت سالما

[ذيب جدة]

جعل والديك للجنه

والله يجزاك خير

واقل شي اقدمة لك لو عندك اي استفسار عن اي شي خبرني وحتى لو ماعرف ابحث لك


******

آخر استفسار

شفت حضانات صيصان بالنت خشبيه ، وانا ودي بشي تكلفته اقل او مجانا على الاقل في البداية

لو خليت الصيصان بكرتون ( مثل اللي تجي مع المكيفات )


بمشي الحال لو حطيت الكرتون وفرشته برمل ناعم ااو نشارة خشب
وبخصوص اللمبه اللي بعلقها فوقها تنصحني 100 شمعة ولا اقل


تحياتي وتقديري
اخوك ذيب

[ابـ اروى ـو]

هلا اخوي ذيب اللهم امين والديني والدينك وانا وانت وجميع المسلمين
شف اخوي في وقت الصيف ما نحتاج حصانه بمعنى الحضانة لان الجو حار خلقه فاكثر وقت نحتاج الحضانة فيه هو اشهر الشتاء يعني في الجو البارد
فكرتون المكيف الي انت ذكرته ينفع وممتاز واللمبه 60 وات مناسبه معاه واذا فرشته رمل ما يحتاج تحط نشاره لأني ما نصح فيها لعدة اسباب اولا ممكن الصوص يأكلها وتسبب له مشاكل معويه ثانيا ممكن يكون فيها بقايا مسامير ورايش ممكن يسبب مشاكل للصوص وكمان اذا فرشته على الرمل يعني غطيت الرمل عن الصوص والرمل مفيد له حيث انه يلتقط منه الحصى الصغير الي يساعده في عملية الهضم
وبخصوص الاستفسار اسأل ولا تنحرج فانا أتمتع بالإجابة على أسألتك وسعيد بذلك ولا يهمك حبيبي