لا تـعـلـيـق بـالـنـسـبـه لـي .. واتـرك لـكــم الـتـعـلـيـق ..لا حول لا قوه الا بالله

[إكليكتوس]

هذا قضاء الله وقدره يالغالي والحمد لله على قضائه وقدره ..... قوة الطبيعة لاترحم حي أو جماد .... أرواح تزهق بيوت وعمائر ومدن تدّمر بأكملها .... ولا راد لقضاء الله .... فلا تحزن ياأخي وأبشر والله بالعوض .....

المصيبه والطامه إذا راح أفضل حلالك بسرقة كما حصل معي ومع الكثيرين غيري ..... فقبل 10 شهور خرجت لنزهة للبر لمدة يوم واحد وبعد أن عدت للمنزل وجدت شبك الحرامي لنافذة الحمام الصغيرة (أكرمك الله) مخلوع .... وتم سرقة كل طيوري (2 يلوناب لاتقدر بثمن بالنسبة لي + زوج مكاو سكارليت منتج + ترايتون + 2 سلفركرستد + كاسكو) ..... والحرامي الله لايوفقه ترك الأقفاص و الخفايف الدرر والكروانات ..... طيور نقوه كلها مستوى عالي قيمتها فوق الـ 70 ألف بالراحه وبدون مبالغه ..... كلمت الشرطه وجو البيت ورفع بصمات وخرابيط أي كلام ..... والعسكري الجاهل يقول وش انسرق منك ..... قلت ببغاوات ..... قام يضحك الأبله ويقول الحمد لله ماراح شي غالي !!!!! والله بغيت أجاوبه بواحد على خشمه ..... قلت كيف ماراح شي غالي !!!! قال يعني أقصد ذهب أو أجهزه !!!!!

بالله عمرك شفت غباء وبلاهه زي كذا .... ويوم علمته عن قيمتها سألني سؤالهم الغبي المعهود : تشك في أحد ؟؟؟؟ قلت لا ماأشك في أحد ..... توكل على الله وبكره أجيك المركز تسجل لي محضر سرقه ..... في خاطري إني بتوصل للسارق عن قريب وبدبسه بقضيه ..... لكن هيهات

وبعدها اسبوع كامل ماطب الأكل بطني من القهر والغبن .....

وإلى يومك هذا مايفوتني سوق طيور في الشرقيه (الدمام - القطيف - سيهات - الأحساء) ..... والله أروح أسواق الطيور وأتعنى مش علشان أشتري أو أتمشى .... لا .... على أمل أحصل طرف خيط يوصلني للسارق ..... لكن ماحصل ..... وحتى منتديات الطيور ماكنت أعرفها أبدا قبل تنسرق طيوري وألحين مسجل في كل المنتديات لنفس السبب ..... وبرضو ماطلعت بنتيجه مع إني أعرف طيوري ريشه ريشه ....

نفسيتي تعبت وتعقدت ...... وحتى الشقه إللي كنت ساكن فيها غيرتها الله لايعيدها ..... وبعد كذا إستسلمت للأمر الواقع ...... وشويه شويه بديت أنسى أو بالأحرى أتناسى ..... وألحين رجعت طبيعي زي أول أشتري طيور وأبيع طيور لأن الشي هذا عشقي من الصغر .....


علمتك بقصتي يالغالي علشان تشوف مصيبتي وتهون عليك مصيبتك نوعا ما ..... وإن شاء الله ربي يعوض عليك وتبدأ من جديد وتصير أمورك زي أول وأحسن ..... وتجيب ((فلبيني)) فنان يزبط لك محمية أطلق وأقوى من إللي في الصور .....

وأرجع وأكرر ياأخوي ..... أبشر بالعوض ولا يردك شي تامر أمر ..... وأي خدمات أو مساعدة لايردك إلا الخاص ....


وتقبل فائق مودتي .....