محتاج معلومات عن الـ هاسكي سيبيري وَ الـ مالموت

[Abo_fahed]

وعليكم السلام ورحمة الله وبركاته ..

بخصوص الطعام >> نفس المشكلة الي واجهتها قبل

لكن انا مابحثت عن حل غير اني >> غيرت الاكل بكبره واشتريت من شركة Royal Canin

هذي الشركة تتميز في انها تضيف نكهات تحبها الكلاب وتخليها تاكل غصب

وانا انصحك انك تستخدم

الــ Canned food تخلطه مع الــ Dry food

بجذي انت ترتاح من الطباخ وبتستغل الوقت وبيكون تقديم الاكل سهل وسريع وتكون عارف المقادير

والبيض ماانصحك انك تكثر له منه

يعني يكتفي مره في الاسبوع >> مع ملاحظة استخراج الكلب ( الله يعزكم)

لانه ممكن يصيبه نوع من الاسهال ولكن لاتقلق فقط لنظافه المكان

-ـ-ـ-ـ-

بخصوص الكلب ماشالله تبارك الرحمن رااااائع وجميل جدآ جدآ جدآ جدآ

الله يحفظه ويخليه لكم ان شالله

شبيه الذكر الي عندي وهذي صورته



وبخصوص الاسم فأنا انصحك بأحد هذه الاسامي

1 - Rio

2 - Roy

3 - Right

قفلت على حرف الراء

-ـ-ـ-

موفق ان شالله يالغالي واحرص عليه ترا الهاسكي كلاب حساسة جدآ وخاصة من الجو

لازم توفر لها مكان بارد نسبيآ لان مثل ماانت عارف اهي كلاب ترجع لشرق سيبيريا

وهذي تعتبر منطقة ثلجيه ودرجة الحرارة فيها قد تصل الى 60 درجة تحت الصفر

والتمشيط اليومي للكلب وراح تاتي اليك فترة بالسنه تجد الكلب يفقد الكثير من الشعر فلا تقلق

فانها فترة تبديل الشعر عندهم حيث يتبدل الشعر ويخرج شعر اجمل وانعم جديد

لكن << !! اذا كان تساقط الشعر بكثره وبشكل غريب

يجب اعلامنا او الذهاب به الى البيطري فورآ

-ـ-ـ-

حلال طيب ان شالله ويتربى بعزك

واي مشكله او تساؤل يواجهك لاتتردد في طرحه