اشترك في نشرتنا البريدية ليصلك كل جديد

الولدالكويس · 15-03-2011, 02:04 AM

السلام عليكم ورحمة الله وبركاته...

كيف الحال

طيبين...

يا اعضاء وعضوات ابشركم و(الحمد لله حطيت تحت حمامه بيضة دجاجه وفقصت صوص امس والحمد لله)...

لكن كيف اعتني فيه...

احسه جيعان...

مدري وشبه...

بس كيف اشربه مويه واطعمه...

وكيف ادفيه...

لان تعرفون الجو برد...

ردوا تكفون خايف يموت اعوذ بالله...

الولدالكويس · 15-03-2011, 02:11 AM

آآآآآآآآآآآآسف*(صمت الامل)نسيت ما احطه في قسم السؤال والجواب...

ra22d · 15-03-2011, 02:16 AM

مبروووووووك اخوي

الولدالكويس · 15-03-2011, 02:22 AM

الله يبارك فيك واشكرك على ردك السريع...
وفي العجله الندامه...

ra22d · 15-03-2011, 02:25 AM

صمت الأمل · 15-03-2011, 02:56 AM

وعليكم السلام ورحمة اللهـ وبركاتهـ .

ماشاء اللهـ تباركـ اللهـ .. ألف مبروكـ .

الصوص أول مايفقس يكون ضايع شوي ومرهق بسبب تكسير البيضهـ ,, ومافيهـ دجاجهـ ترعاهـ .

وانت الحين بديل عنها .. فلازم تهتم بهـ زييييين في الأسبوع الأول لأنها مرحلة الخطر ..

وبعدها ان شاء اللهـ يكون أسهل بكثير .

طيب اخوي ,, الحين كم صار لهـ عندكـ من ساعهـ بالضبط من أول مافقس ؟؟

اذا مر عليهـ 24 ساعهـ ,, عطهـ أكل .. وقبلها لاتعطيهـ شيء ..

ممكن تعطيهـ نقاط ماء باصبعكـ كل فترهـ وفترهـ ..

خذهـ لغرفهـ دافئهـ ,, وسوي لهـ كرتون صغير محشو بالقطن أو المناديل .. واتركهـ يرتاح فيها .

اذا مر عليكم اليوم الثاني من الفقس , خذ بسكوت شاهي واطحنهـ طحن ناعم مثل البودرهـ .

واشتري ذرهـ مطحونهـ من السوق .

وعلمهـ كيف ياكل ,, خذ كومة من الأكل .. وانقر باصبعكـ عليها قدامهـ .. عرفت قصدي ؟؟

وهو راح يتابعكـ وبيقلدكـ .. وبيعرف كيف ياكل .

والماء ضع لهـ صحن صغيييير من الماء ,, وضع فيهـ حجر أو شيء يمنع انقلابهـ عليهـ .

ونفس الشيء سوي لهـ مع الأكل ,, ادخل اصبعكـ بالماء فقط ,, انتبهـ تمسكهـ وتشربهـ غصب .. ممكن يختنق بالماء .

وهذا أهم شيء !!! استمر بهالطريقهـ يومين .. وراح تلاحظ ان الصوص ماياكل كثير .. وهذا شيء طبيعي .

وكل يوم بتشوف ان شهيتهـ تزيد ,, وتقدر وقتها تنوع لهـ اكل أكثر ..

عطهـ رز مسلوق ,, مكرونهـ مقطعهـ تقطيع صغير ومسلوقهـ ,, خبز منقوع بقليل من الماء ..

وانتبهـ تعطيهـ من أكل البيت او اكل مالح وفيهـ بهار أو دهون . جسمهـ مايتحمل هالأكل حاليا .

وفر لهـ الأكل دائما , وطلعهـ بالشمس الباردهـ في الصبح والعصر .. لاتطلعهـ بالظهر لأنها حارهـ عليهـ .

والصوص ان شاء اللهـ راح يكبر بسرعهـ ,, ويطلع ريش جناحهـ في وقت قصييييير .

واذا عندكـ كاميرا صورهـ ,, عشان توثق تجربتكـ معهـ .

وهذا أهم معلومات التربيهـ .. مافيها شيء معقد أو صعب ,, فقط رعايهـ واهتمام وحرص عليهـ !!

ولاتمسكهـ كثير أو تتركـ اخوانكـ الصغار يلعبو معهـ حاليا ,, لأنهـ جدا ضعيف !!

وراح نتابعكـ في هالموضوع .. اي اسألهـ أخرى تفضل بطرحها ..

صمت الأمل · 15-03-2011, 03:00 AM

اقتباس:

المشاركة الأصلية كتبت بواسطة الولدالكويس

آآآآآآآآآآآآسف*(صمت الامل)نسيت ما احطه في قسم السؤال والجواب...

تم نقل سؤالكـ لقسم سؤال وجواب ..

والإجابهـ عليهـ أيضا ..

بالتوفيق .

bird96 · 15-03-2011, 03:08 PM

انا بس حابب اسأل سؤال بسيط الحمامه ترقد 17 يوم صح كيف رقدت 21 ؟؟؟؟؟؟؟؟؟؟؟

وحاابب اعطيك بعض النصائح : اضعه في كرتوونه مربعه وتكون عاليه قليلا يعني ما يقدر يقفز منها اهم شي اللي ما ذكرته اختي صمت الامل اضعله لمبه لامب لونه اصفر وخليه مضوي اول 3 ايام تقريبا 19 ساعه وطلعه الشمس وفرشله ارض الكرتونه اشي يمتص البراز و كل الملاحظات اللي قالتها صمت الامل ممتازه اخذ بيها و مبرووك الصوص ههههههه

الولدالكويس · 15-03-2011, 04:36 PM

الله يبارك فيكم ويعطيكم العافيه ويحقق آمالكم يا رب العالمين...

وليش تزعل ياra22d والله ما كنت اقصد شيء بس حبيت اداعبك...

ويا صمت الامل:-
انتي اظنك فقصتي من بيضه ماشاء الله تبارك الله...

ما تجهلين شيء في الدجاج بسم الله ماشاء الله...

واقسم بالله امس انفجعت شفت الصوص كانه عطشان وسويت مثل طريقه الزغاليل اخذت السرنجه وشربته مويه...

وشفت الصوص يسوي حركات غير طبيعيه حسيته اختنق ويغمض عيونه واخذ 5دقايق ثم رجع طبيعي والحمدلله...

bird96:-

الله يعطيك العافيه ويحقق لك آمالك...

وانا شفت الحمامه تقعد في عشها وما تبيض قلت خلني استغلها وحطيت البيضه تحتها ونجحت الطريقه والحمدلله...

وباذن الله راح اعمل بتوجيهكم انت واختي صمت الامل ...

mkdsh · 15-03-2011, 04:51 PM

يقاآل له ذيب
قفطك يعني
خخخخخ
<<دعآآبه