اليوم صارت لي سالفه بس رجاء الجوعان لايتعب نفسه ويدخل

[في خاطري شي]

المشاركة الأصلية كتبت بواسطة بندولة حب

انتظر ترشيحك لأحسن كاميرا تصويرها حلوووووو وصافي وواضح بس مو هذيك الغاليه ابي شي اقدر اوفره لاهنت بحكم خبرتك البنت عاجبها تصويرك ماشاء الله

تسلمين على كلامك .. كلك ذوق

بالنسبه للتصوير والله شوفي يابندوله

موضوع الكاميرات والتصوير .. هو فن وابداع بحد ذاته لذلك هو يعتمد على المصور نفسه سواء كان هاوي او محترف

والاهم من هذا كله عند اختيار الكاميرا ان الشخص يسأل نفسه وش الغرض من شراء الكاميرا او وش الهدف بالضبط ؟! .. يعني هل الغرض من اقتناء الكاميرا هو الوصول الى اعمال احترافيه وذات دقه عاليه مثلا ( تصوير مجلات او اعلانات او عروض ازياء ) او انه مايبي يوصل للعمل الاحترافي ومجرد هاوي يحب يصور اي منظر قدامه سواء طبيعه او طلعة بر مثل كشتتنا

عموما

هالنقاط هي تحدد نوعية الكاميرا اللي ترغبين بشرائه

وخل اعطيك نبذه مبسطه عن انواع الكاميرات حسب خبرتي المتواضعه واللي متواجده بالسوق عندنا هي طبعا 3 انواع رئيسيه

-كاميرات احترافيه

- كاميرات شبه احترافيه

- كاميرات مدمجه (( الصغيرة الشكل))

اما الفرق بينهم فهو سهل تفرقين بينهم

- الكاميرات الاحترافيه هي الكاميرات اللي تتغير عدساتها(( تتفك وتتركب من الكاميرا)) يعني لها عدسات متخصصه وتسمى عند المصورين >>> slr عادة تكون غاليه الثمن يعني مثلا تجي كاميرا "بودي" فقط بدون عدسات يصل سعرها لااكثر من 10.000 ريال او خليني اقولك تتراوح اسعارها من 4000-50.000 ريال هذا غير العدسات والعدسات غاليه جدا احيانا تكون اعلى من سعر الكاميرا نفسها

- اما الشبه الاحترافيه فهي تكون عدستها مدمجه مع الكاميرا (( يعني عدسة ثابته ماتتفك )) وتاخذ نفس شكل وخصائص الكاميرات الاحترافيه مثل الدقه
وعزل الهدف وتصوير المايكرو << تصوير الاشياء الدقيقه اما اسعارها ماتقل عن 2000 ريال واحيانا يكون عليها خصومات ، توصل الى 1700 مع ذاكره 2 قيقا وشنطه ومع "تراي بود" << حامل ثلاثي

اما الكاميرات الاعتياديه ( المدمجه) اللي تكون صغيره << وتسمى باللهجه العاميه بالكفّيه

مثل هذي >>>

هذي الانواع اللي موجوده بالسوق

بس خل اقولك معلومه يمكن تفيدك بهالمجال

ترى الكاميرا ماتصنع المصور ،، لكن المصور هو اللي يصنع الكاميرا اوالصوره لو بأقل نوعية من الكاميرات

يعني فيه ناس تمتلك كاميرات بسيطة جدا .. لكن تتفاجئين لما تشوفين لقطات صورهم رائعه وكانها بأغلى الكاميرات

وعلى سبيل المثال هالصوره تراها ملتقطه بجوال n95 وكأنها مصوره بكاميرا احترافيه

فـ من وين جاء هالجمال ؟

هذا كله من ابداع المصور نفسه مو من ابداع الكاميرا

الخلاصه :

اذا لك رغبه في هواية التصوير كمبتدئه احرصي ان مايكون سعرها عالي

يعني من 500- 1000 ريال وفيها مميزات التصوير الدقيق وبنفس الوقت تفيدك بكل المجالات

عموما بالنهايه انصحك بنوعيات nikon فهالشركه رائده بمجال التصوير حتى الاقل نوعيات عندهم مثل المدمجه اللي حاط صورتها لك فوق جدا ممتازه ويصلح تتدربين عليها

وعقبال مانشوف ابداعاتك

واي خدمة انا حاضر

لك كل الود