طريقتي (الخاصه) في تربية وتدريب فروخ الكروان (حصري)

[sdda7]

المشاركة الأصلية كتبت بواسطة جورجي

شكراً لك أخي عالرد الراقي ..فهمت طريقة وجبة الفطام وسبب العلبة
عندي اسئلة ثانية
انا قريباً راح يفقس بيض الروز .. ربما بقي 10 ايام او اقل وانا ابغا الفراخ تصير أليفة جداً وماتعض لان من تجربة سابقة شريت فرخين روز بعمر شهر وعدة ايام وكانوا ظريفين ذاك الوقت بس الحين كبروا بعمر 3 اشهر تقريباً وصاروا الان يعضوني بقوة ماادري ليش مع انهم اليفين ويطيروا ويجو لي .. السؤال المهم لما يفقس البيض .. اسحب الفراخ بأي عمر يعني 14 يوم او اقل ؟
وتوني ادري ان فراخ الكروان تجيها حالة كساح .. قررت اني اشتري فرخ كروان صغير مرره .. تقترح على فرخ بعمر 10 ايام مثلاً ؟ واشوف كيف جلسة الفرخ علشان اعرف وياه كساح او لا من نفس جلسة كروكو وهو فرخ في الصور ؟
مافيه مشكلة اخلي فراخ الروز بعلبة وعلبة ثانية فيها فرخ الكروان في نفس الحاضنة ؟
أخوي اشكرك مرة ثانية على طريقة الحاضنة .. لاني كنت ادور على طريقة علشان تبقى الفروخ دافئة لان الحين الجو بارد وطريقتك أفادتني جداً

اولا اخوي الفروخ اللي صارو يعضونك

السبب
انك تحارشهم باصبعك وترفع ضغطهم وبالتالي هم ياخذونها عاده او لعبه (حرب الاصابع) مع الوقت
كلما قربت اصبعك وتوجه لمه تسحبه وهذا اللي يثير غريزت العض عنده لو تربيه من اول مايفقس
وتعامله بهالنضام راح يعض ويطور العض الين يوصل مرحله يكون فيها الطير العض احلا العابه

للتخلص من هالعاده امسك الفرخ بيدك وحك راسه واذا عض خله يعض بكل قوته مع الوقت يرجع
عادي ويكنسل العض عضت الروز هياط حتى الاجواز الوحشيه عضتها تدغدغ على حسب البشره


الشي الثاني الللي يحفزه على العض

اذا كان للطير عش او صندوق تفريخ لا تجيه في هذاك المكان لانه مكانه الخاص وبطبيعت الروز اذا
كبر يكون استقلالي والطير غير اجتماعي بحيث انو يعيش في ازواج وليس مستوطنات جماعيه

وهذا اللي يخلي الروز بعد فتره يستقل بنفسه اذا كان عنده عش وانثى
الامر هذا لا ينقص من ولافته لكن لازم تعرف حدودك ويا الطير

خارج القفص صديقك وتابعك
داخل القفص هو ملك المكان وانت الدخيل


بالنسبه للعمر المناسب اسبوعين حلوه وافضل الاعمار في نضري اجسام تتحمل وماكله من
الاهل ومتغذيه تغذيه كافيه


بالنسبه للحضانه عادي يكون الكروان والروز مع بعض بل افضل لهم يدفون اجسام بعض

ويتوالفون من بدري

لكن بعد مرحلة الفطام اعزلهم وخصص لكل واحد وقت للاهتمام عشان تكون انت الاساس
وتتفادى مشاكل الروز لان

الروز قوي جسمه وقادر على الفتك بالكروان في لحضات
الكروان يحب الحرش ولا يعض وهو جاد نادر حتى الوحشي

النتيجه محارش الكروان العفوي للروز ممكن يسبب هجوم فتاك من الاخير يشوه او يقتل الكروان
(النتيجه توقع حسب اللي اعرفه في نفسيات الصنفين )