السلام عليكم .. سؤال ضروري لو سمحتم يا خبرااء

[مهووس الحيوانات]

أول شي حياك الله نورت القسم

و زين انك بديت تشاركنا الهواية ^^

=-=

بالنسبة لثعبانك

البوا للأسف غير مناسبة للمبتدئين في الثعابين ( وانا منهم لاتحسبوني أتكبر او شي )

كبداية أنصح بالأصلة البورمية

لكن بالنسبة لعدم أكلها للفار فـ فيه عدة احتمالات منها :

- ان البوا شبعانة و أكلت في المحل أو عند الي باعها
- ان الفار حجمه أكبر أو أصغر من اللازم بس هذي استبعدها
- ان البوا حاليًا عندها بيات شتوي و ممكن يكون هو السبب ( و احتمال كبير )



و بالنسبة للأشياء اللي لازم تتوفر في الحوض :

-مساحة كافية و ارتفاع كافي للبوا عشان تتمشى و تتسلق

-تربة مخصصة للزواحف أو رمل أو أحجار صغييرة ( أي شي مخصص لفرش الأحواض )

- أغصان طويلة متعرجة و قوية و نظيفة و ناعمة (ياكثر المواصفات) عشان تتسلق عليها لأن البوا متسلقة أكثر من الأصلة

- صحن موية شرب نظيفة يكفي للبوا انها تدخل فيه و يدخل كامل جسمها في الموية بدون ماتغرق (يعني مو عميق مرة)
و حاول تخلي حوافه قريبة من الأرض ( تقدر تضغط الصحن في التراب عشان تصير الحواف قريبة )
و سبب هذا عشان يقدر الثعبان يدخل

- صخرة نظييفة متوسطة الحجم للزينة و عشان تساعد الثعبان في فترة تبديل الجلد

- لمبة UV المخصصة للزواحف ( مهمة جدًّا )

- لمبة للتدفئة أو صخرة التدفئة المخصصة للزواحف

- رطوبة كافية برش الحوض بالموية الخفيفة يوميًا ( لكن تقلل منها في الشتا )

- زينة من نباتات صناعية ( اختياري مو ضروري )

و آسفين عالاطالة و التعقيد بس هي كذا ^^

و بالتوفيق في التربية