مساء الورد اخواني ويعطيكم العافيه صراحه بالمنتدى ناس مشاء الله تبارك الله ماتبخل على
نهائيا على الاعضاء بالمشوره الطيبه والنصيحه الصادقه اسال الله العظيم ان يرزقهم من اوسع
ابوابه ويكتب لهم الاجر والدعاء بالغيب لهم شي اساسي
اخواني انا شريت كاسكو مثل ماقلت بالموضوع الاول والحين الحمدلله صار له ثمان ايام تقريبا امس
سويت حركه مدري هي صح ولا لا كبداية للترويض فكيت القفص وقلت خليه يعيش ههههه
القفص على ارتفاع يمكن متر ونص ورحت عنه خليته بعد ساعه رجعت لقيته تحت الفرن
المهم رميت عليه السجاده ومضاربه انا وياه ومد وجز وصراخ وحاله حاله قلت بما اني مسكته
بالسجاده خليني امسح على راسه وجسمه بس من اقرب من راسه اشوف وجه وحش
المهم مسحت على راسه
ومع هذا كان يجعر جعير اعتقد الي باخر الشارع سمع صوته قلت خليني ارجعه للقفص لقيته
المسكين يلهث من كثر االخوف مدري من المضاربه الي صارت بيني وبينه
المهم اخواني سؤالي هل ابتداء الترويض من تاسع يوم او عاشر يوم وايش هيه افضل طريقه
للترويض لاني احسه مرره متوحش بس الغريب في الامر ان اليوم يعني بعد المضاربه حقت امس
اشوفه هادي شوي ماصار يجعر حتى يوم اغير الاكل والماء مايجعر طبعا الحمدلله يصفر ويطقق بس
على حياا ياليت يااخواني تفيدوني بطريقه السريعه والمضمونه لترويض وهل ابداء الآن ؟
تقبلو احترامي
22-10-2010, 09:53 AM
العرض المتطور
