طريقه خصي الذكور وتعقيم الاناث بالصور مع ناديا

[abeer]

ما شاءالله عليكي

و تسلمي اديكي على هل موضوع

و والله انا ما بعطي حالي الحق اني اشيل ل بستي الرحم لاني بحط حالي محلها

و ان شاءالله ما حد يعملها ل بسسهم

[BodyBoss]

هل يفضل خصي القطط ام لا
انا ارى انهو لا يفضل

[sisi_moon]

مرررررحبا ندووو

يعطيييييك الف الف عافيه ياقمر ماقصرتي على طرح المعلومات

بس عندي تعقيب ومن خلال تجربــه

انا اخصيت قطاتي ثنينهم ولله الحمــــد

1- زياده وزن القط بشكل مفرط.

ابــدا ابـــدا مو صحيح

هو الصحيح ان باغلب القطط يزيد حجمهم لكن مايصير سميييين

لا بس يطوول اكثر ويصير اضخم اكثر

وزي ماذكرت ان مو بكل القطط

قطوي الكبير فعلا حجمه كبر والي مساعده اكثر طول وكثافه شعره زايدين من حجمه اما الصغير بنيته هو قزووم شوي فـ العمليه ماغيرت من حجمه لسا صغيرون

واما عن السمنه هذا يعتمد على المربي نفسه

المعروف ان القطط بعد العمليه الايام الاولى ( فقط ) تنفتح شهيتها اكثرر بس هذا الشي مو معناته نجلس طوووول اليوم اكل فيهم

لا ، نفس نظامهم الاولاني وجبه كل كم ساعه وكميات محدده

واصلا حتى لو المربي زاد وجباتهم وكمياتهم ماتوقع ان هالشي يووصل لسمنه مفرطه لان اصلا شهيتهم ماتدوم على طول بنفس الشي

لا بس بالبدايه تنفتح بعدين ترجع طبيعيه زي قبل بالضبط ،، يعني فتره ياكل بشكل طبيعي وفتره لا مايشتهي

انا صحيح قطاوتي مليانين لكن امتلائهم عاااااااادي جدا ،، يعني اشوف قطط ثانيه مو مخصيه اسمن منهم

الكبير اسمن من الصغير بس يوم حلقته بين شكله حيل حيل حيل عاااادي من الحجم والوزن


اما النقطه الثانيه

3- كسل القط وعدم الحركه الدائمه

نفس الشي هالنقطه مالها اساس من الصحه

قطاوتي خملوا بشكل طبيعي

يعني انا اخصيتهم بعمر الست شهور تقريبا ، بين عليهم الخموول بعد عمر السنه وهذا شي طبيعي ومعروف بالقطط الشيرازيه

وترا بعد هالشي يعتمد على المربي ولو كان بشي بسيط بس برضو له دخل

اذا المربي عود قطاوته عالكسل وعدم اللعب راح يخملوون

اما اذا خصص لهم وقت يلعبهم فييه راح يلقاهم يلعبون ونشيطين

قطوي الكبير عمره سنه وخمس شهوور والصغير سنه وثلاث شهور

اوكي الشيرازي معروف من يكبر يخمل لكن مو معناته خمول دائم واكل نووم ،، لا

يلعبون ويتحركون لكن بشكل اقل من قبل

بس لما اجي انا العبهم بالعكس اشوفهم متفااعلييين معاي تمام و اغلب الاوقات انا الي اطفش واتعب وهم لا مبسوطين

وهنا اثبتنا ان العمليه مالها دخل بنشاط القط ، نشاط القط يتحكم فيه فصيله القط وتعامل المربي معه

5- توقف سقوط الشعر عند الذكر

برضو هذي النقطه اول مره اقراها وماشفتها بتجربتي مع قطاوتي

الكبير بما ان شعره كثيييييف وطووويل حيييل فـ يتساقط شعره كثير

اما الصغير عشان كميه الشعر عنده اقل واقصر ونوعيه شعره غير فـ التساقط عنده قليل

فـ اشوف طول شعر القط وكثافته ونوعيه الشعره نفسها وتغذية ونفسيه القط هم العوامل الي ياثرون على الشعر مو العمليه..!

وايضا الدراي فود يتم منعه عنه

لفتره بسيطه حتى يتم التئام الجروح .

بشكل دائم المفروض على المربي يقلل كثير كثير كثير من اعطاء الدراي فود للقط المخصي

لان بعد العمليه المجرى البولي للقط يصير اضوق من قبل

والاملاح الموجوده بالدراي فوود تسبب تكون بلورات تسد المجرى البولي وهذا شي خطيييير جدا ولازم المربي ينتبه للمرض من البدايه ولا احتمال كبير يفقد القط

في عضوه هنا قططها مخصيه وتعطيهم دراي فود بشكل دائم ومالاحظت اي اثر سلبي ( وهذي اعتبرها صدفه ومن حسن حظهااا )

لان الدراي فود معروف ان كثرته سواء لقط مخصي او مو مخصي يسبب ضرر لكن المخصي معرض بشكل اكبببر بكثير

عندنا هنا عضوه عندها قط بالغ مات بسبب انحباس البوول ، وبحسب ماذكرت انه كان ياكل اكثر شي الدراي فود او يمكن ماكان ياكل الا هو ،، ( الذاكره لها دووور )

وبرضو المشرفه السابقه للقسم قطوها مخصي ومانتبهت لهالنقطه بعد الاخصاء وكانت مستمره تعطيه دراي فود بنفس الكميه

وجاه انحباس في البول بس الحمدلله لحققت عليه من البدايه وعند بيطري شاطر وتشافى .

والتحذير من الدراي فود للقط المخصي اقراه هنا بالمواقع العربيه وبالمواقع الاجنبيه واسمع كلام من هواه مجربين ومن بيطريين




وبس هذي هي ملاحظاتي وماطلعت الا من تجربه مع قطط مخصيه واطلاع ، اتمنى تتقبلينها بصدر رحب عزيزتي

والله يعطيج العافيه مره الثانيه من جد انتي مو مقصره مع القسم بمواضيج القيمه

للآعلــــــى ياناديا





http://www.2zoo.com/vb/showthread.php?t=57383R

http://www.2zoo.com/vb/showthread.php?t=16280

http://www.2zoo.com/vb/showthread.php?t=101810

الفكره مكرره لكن من حسن حظج واحد بدون صور وواحد الصور عطلانه وواحد ناقص من معلوماتج القيمه

[الخبيرة ناديا]

مشكور ياامازون على المرور والتعليق ماانحرم منك


يعطيك العافيه ياعبير على مرورك الحلو نورتيني ياقمر

[mr.crocodile]

مشكوووره جدا على الموضوع الاكثر من رائع تسلم الانامل

[abdullh70]

يعطيك العافيه عالموضوع

وانا ما بايد فكرة الخصي لان القط من مخلوقات الله وخلقها الله للتكاثر

والافضل انك تجيب له انثى .

[عديل الروح]

موضوع جميل اختي

بس حرام تسون فيه جذي مدام تعرف انه القط بيوسخ وبرش بول لاتاخذ من الاول تقعد تعذب في خلق الله

[الخبيرة ناديا]

مشكورين على المرور نورتم الصفحات بردودكم

[الولاهان]

مشكوره اختي بس انا منصح واحد يسويها ببيتهم عند البيطري بس انا اقول اذا خصينا القطو مينفع

[الخبيرة ناديا]

المشاركة الأصلية كتبت بواسطة الولاهان

مشكوره اختي بس انا منصح واحد يسويها ببيتهم عند البيطري بس انا اقول اذا خصينا القطو مينفع

العفو اخي الكريم

لاكن العمليه لاتعمل في البيت ابد ابد ...انا وضعت الموضوع للعلم فقط واخذ معلومات عن

كيفيه اجرائها للقطط..

مشكور على المرور نورت