اسئلة للخبراء اللي له خبره اتمنى يجاوب

[milk cat]

المشاركة الأصلية كتبت بواسطة milk cat
السلام عليكم اخواني

انا بهالفتره افكر اجيب كلب لو كان تدريبه سهل فابغا منكم تجاوبوني على كم سؤال

1-متى يبدا تدريب الكلب للطاعه ؟؟ و متى نعلمه حمام الله يكرمكم ؟؟



مرحبا اختي ..

يبداء تدريب الطاعة المبدئية من عمر الـ 4 شهور وهو انسب وفي بعض الكلاب يختلف ذكائها حيث تبداء من عمر الـ 3 شهور .

والحمام بأمكانك تعليم الكلب وهو بعمر صغير او بالأصح عندما يبداء بالفهم وهذا متوقف على احساسك معه .



2-انا اعرف انه تدريب الطاعه سهل و اقدر انا ادربه بنفسي بس تدريب الحراسه اقدر ادربه بنفسي لو اتبعت الخطوات صح و صبرت ولا مستحيل ؟؟ ومتى نبدا ندربه حراسه سمعت انه من 6 شهور صح ولا ؟



تدريب الحراسه :

ممكن تدربينه انه ينبح اذا شاف شخص غريب داخل البيت وينبه .. وهذي كثيراً ما تكون غريزه في الكثير من الكلاب .

ولاكن انك تدربينه هذا الله العالم به ان عندك روح السيطره والصبر مع اني افضل انك تودينه لمدرب حيث افضل .


3-طوق مانع النباح يضر لو استعملته حوالي 7 ساعات اذا يضر كم اقصى حد يستعمل له ؟ علما اني لو بحطه له ما راح اخليه يوميا 7 ساعات لا بخليه بالاسبوع 7 ساعات متواصله تقريبا فما اعرف اذا يضر ولالا و هل هو عملي و كم سعره تقريبا



بخصوص الطوق :

لا تتقيدين بساعات معينه انتي بتلبسينه الكلب كأنه طوق عادي وسوف يستخدم للتأديب اذا تم النباح فلا تخافي لن تكون الـ 7 ساعات يومياً تشكل فارق .



4- بخاطري كلب هاسكي بس سمعت انه عندنا بالرياض ما ينفع عشان الحر فلو جبته ممكن يموت من الحر بالصيف و طبعا بيكون بالحوش مو بالبيت



بخصوص كلب الهاسكي :

اختي بأمكانك عمل بناء او غرفه صغيره تكون ارضيتها سيراميك ومكيفه بمكيف 110 صغير تكون وحدته طن او نصف طن وسعره 350 ريـال .

وسوف يكون الكلب بمكان امن لديك .



5- ادري اني طولت عليكم بس لو وديت الكلب يتدرب للحراسه كم يقعد عندهم يوم و لو احد يعرف السعر المتعارف عليه للحراسه ياليت يقولي و مو لازم محل


و شوووووووووكرا



ههههههههههه

لا حلوه منك يوم واحد للتدريب ولا اسبوع واحد بعد .

اختي الكريمة .

الكلب اذا كان ذكي ويفهم بسرعه سوف يأخذ اقل شيء من شهر الى شهر ونصف تدريب .

ولاكنني انصحك بتدريب الأوامر وبعدها الطاعه .

والعمر المناسب للحراسه والتدريباتها المبدئيه تبداء من عمر الــ 7 شهور وما فوق .

وبخصوص السعر من الـ 2000 ريال الى الـ 2500 للطاعة و الأوامر ونفس السعر للحراسه والشراسة .

والكل يختلف على حسب المدرب واحجته .

وفي النـهاية اقولك الله يوفقك في الأختيار المناسب .

واتمنى انني قد افدتك .

تحياتي لك

اخـ ابومحمد ـوك

مشكووور اخووي عالاجابات الوافيه

و التدريب طبعا مو يوم يومين بس انا اسال كم يوم .. و يوم سالت المحل قالولي نخليه 3 اسابيع لتدريب الحراسه

فتتوقعون يكفي ولا ادور على غيره ؟؟

انا باخذ جيرمن