شرايكم كل واحد يقولنا وش حركته اللاراديه

[Need not to know]

ههههههههه، الموضوع حلو والردود كمانة.

أنا عندي كتييير حركات لا إرادية، بس مو كلها ممكن أقولها

ألعب بشعري دايما لما أكون بأفكر، ومو بس لعب، ألعب بشعر راسي من قدام وأخلي يتشبك ببعض وبعدين يا إما أفكفكو يا إما أشدو بقوة وأقطعو كلو على حسب نوع التفكير، وفي حركات كتير أسويها لما أكون بأفكر على حسب المزاج ونوع التفكير مو بس حركة الشعر.
أعضعض أصابعي ولا أي شي قدامي "^^
لما أكلم جوال أحيانا لا إراديا أفصل في وش اللي باكلمو حتى لو كنت ما أكرهو<<مرا حركة تقهر لازم أبطلها
لو معايا قلم وورقة لازم أشخمط وأرسم وأكتب، والشخمطة والرسم أكتر من الكتابة، وطبعا في أنواع للرسم والشخبطة، بس يفضل عدم زكرها <<ودي وحدة من حركات التفكير، وأحيانا بدون تفكير تسير، مسلا لما بأكلم أحد ولا اتناقش وزي كدا.
لما أكون بأقرا شي عالنت لازم أحدد، والمواقع اللي ما ترضى للمستخدم يحدد الكلام على طول أقفلها ما أقدر أحس شي في قلبي كدا ما أدري كيف.
إزا أحد نغزني تلاقيني أنط.
لما أكون ماشي وما بأسوي شي يعني ما معايا أحد أكلمو ولا زي كدا، تلاقيني أطقطق بأصابيعي وشويا شويا أبدأ أبغا أرقص بس لو كنت في مكان عام أحاول أنتبه لنفسي<<بس مو دايما الواحد يقدر ينتبه لنفسو.
حركات قريبة من الطقطقة حقت الكاسكو أسويها بفمي دايما، وأصحابي بدؤوا يورسوها.

في أمان الله ^^