مساعده من الخبراء سكر و ابو محمد بليز عن الامازون

[Shama3ey]

السلام عليكم

عندي امازون بلوفرونت لمن شريته كان نظيف و فتحات خشمه كانو نظاف و مفتوحين اقبل كم يوم كنت اتحرش فيه يوم ركزت ولا اشوف وحده منهم مسدوده .. شالسبب؟ و شلون اقدر افتحها مثل ما كانت بدون لا اعور الطير؟

و اليوم لاحظت ان الطير عطس وايد مرات اكثر من العاده شالسبب؟ هل صار مريض او بدايه مرض لا سمح الله؟


و شي اخير اليوم كنت اتحرش بالطير بايدي و انا لابس دس و اهو داخل القفص و اهو يتعافر وياي و يحاول ينحاش و يعض لين لقى فرصه و طاره بره القفص مع العلم انه ما يرضى يطلع من قفصه ابد و اطلعه بالغصب على عصى .. بس هالمره الظاهر خاف وايد و انحاش من نفسه المهم رحت المكان اللي طار عليه و حطيتله ايدي جاء من نفسه و ركب عليها رديته القفص جان يدخل و ما سكرت الباب مال القفص لاني معود الطير اني اخليه مفتوح على طول .. شفت الطير يلهث شوي قلت اكيد تعبان مال الهوشه اللي بيني وبينه و شفته مره وحده عزم ينام حط راسه ورى جناحه بوضعيه النوم لكن عيونه مفتوحه جان اقوم و اسكر النور بالغرفه و اقعد اطالع تلفزيون بالظلمه و بصوت منخفض ... شوي ولا اسمع الطير يتحرك بالقفص و مره وحده طار بره القفص مره ثانيه و ليش ظلام تعلق بالستاره و اول مره يخليني المس ريشه بدون لا يعض او يصارخ المهم خذيته ووديته للقفص و دخلت ايدي داخل و صارت الطامه الكبرى ... الطير ما يبي يدش القفص و اول مره يسوي جذي معنه يحب قفصه وايد و ما يصدق يشوفه .. فخليته فتره على ايدي داخل القفص لين دخل جان اسكر الباب هالمره عشان لا ينحاش مره ثانيه ...

عقب هالسيناريو الطويل شنو السبب اللي خلى الطير يسوي كل هذا؟ هل انا خرعته وايد و انا اتحرش فيه؟ ولا شالموضوع؟
مع العلم انه الطير كان يخاف من ايدي و يخاف اكثر اذا لبست دس بس مو لدرجه ينحاش بره القفص

فيدوني يا اهل الخبره

[سكر]

هلا فيك يا غالي

بالنسبة لعطاس الببغاء,, ما أقدر أفيدك بشكل واضح,,

لكن بصفة عامة لا تشيل هم, لأن الأمازوني يتحمل الزكام,,

إذا حبيت تساعده, تقدر تمسك خشمه بشكل عادي مثل ما تمسك خشم طفل وتنضفه

وهو بيتجاوب معاه وبيحب الحركة هذي اذا كنت لطيف معاهـ

اما هروبه من القفص, أولاً شكل القفص لك فترة ما نظفته

مهم جداً انك تعتني في قفص الببغاء

أما هروبه من القفص, فلا تشيل هم,, حاول تطلعه وتخليه فوق القفص فترة,,

حتى يرفرف بأجنحته ويمرن عضلاته,, ويستمتع بالوضع.

وكونه يطلع على يدك, هذا شي حلو يدل على انه يعتبرك أكبر مصدر أمان حوله

عشان كذا اذا بعد عن القفص ,, يصير يدور عليك ويرضخ لك أكثر,,

حاول تهتم في طيرك,, وتخليه على يدك حتى لو كنت تتفرج في التلفزيون,, أو خذه في حضنك وخليه هو يجلس في المكان اللي يبغاه طالما الغرفة مقفله وما بيطير, وانت جالس معاه

تقبل تحياتي

[ابو سفر]

ماقصرر سكر الله يحفظهـ ..عطاك الجواب الشافي ..

[Shama3ey]

مشكور اخوي سكر يعطيك الف عافيه

تتوقع البيطري يقدر ينظف خشمه؟ ولا الاحسن انه انا احاول انظفه؟ لاني بصراحه ما اعرف شلون و اخاف الطير يخاف مني زياده