طلب مساعده من الكويت عن الامازون بلو فرونتد

[G.S.D]

السلام عليكم
انا دش خاطري البلو فرونتد و اهو فرخ و اليف و ما يتكلم توه صغير جم يسوى يا جماعه ؟؟
و شلون الطير ياريت اذا احد عنده خبره يقولي لو معلومات بسيطه عن الطير
انا كل طموحي انه يكون بصحه جيده و اليف و يتكلم بس

[مشاعل الكويت]

البلو فرونت بالكويت ذبح عمره وجامبو 200 دينار

واذا انتا ما بذنك ماي وداش خاطرك 250 دينار

اكثر من جذي قاصين عليك

[G.S.D]

انا محصله بسعر حلو عيل لكن ابي معلومات عن الطير و شكرا مشاعل الكويت عساك على القوه

[Shama3ey]

انا عندي واحد شريته بـ 240 عنده خربطه بالكلام معنه ما صارله عندي اسبوع سمعته يقول كو و يموت على اليهال والحريم بس انا ما يحبني لوول ياكل من الايد و ما يعض و يصعد على الايد

اعطيك من الاخر البلوفرنتد عجيب بس يبيله مجابل

[كوالا]

200 دينار والله رخيص

بالسعوديه اغلى من كذا بكثير

الله يوفقك بواحد حلووو

[G.S.D]

مشكورين يا جماعه انا باجر ناوي اشتري واحد و انشالله اذا خذته اوريكم الصوره

[Shama3ey]

اخوي قبل لا تاخذ الطير افحصه و اوقف يم القفص ماله اسمعه يصفر او يخربط ولا لاو شوف ريله اذا محجل ولا لا و يفضل يكون عمره سنه او اقل راح يريحك اكثر من ناحيه التدريب والكلام .. و اذا تبي نصيحتي اشرط على راعيه انك تاخذه تروح تفحصه عند البيطري و اذا فيه شي ترده على طول عليه

[مشاعل الكويت]

بالتوفيج ان شاء الله

وانا انصحك بالكاسكو افضل منه

واذا لك نيه بالامازون ... اخذلك دبل يلو هيد او يلوناب بيور

راح تتمتع فيهم

والراي رايك اخوي ... اسفه على الاطاله

[naasooh]

ألامزون درجات
ورايي لك شوف المواضيع المثبته فيها معلومات راح تفيدك
ووقت ألشراء خلي يكون وياك واحد خبره بالطير ألي تبي تشتريه

[G.S.D]

مشكورين وايد على نصايحكم و عطوني رايكم بالطير شريته و ياريت تدعون انه الله يوفقني مع الطير