مشاكل نوري ..

[Mo0oMo0o]

ترا القط لما يعرف مكان خروج ودخول ماينساه انا قطي سار يطالع من الشباك وهوا مقفل واهلي يقولو انتبهي يوم ماتلاقيه > الموضوع جد يخوف

ضحكتني نور مع قط الشارع حاولي ماتتركيلو مجال ممكن إزا في حاجات يكرها القطط حوطيلو أهم شي يروح ممكن ترشي عصير اليمون عالمكان من بداية شباكك ألمن شباكهم او لما تشوفيه رشي عليه بس مو بعيونو اعتقد القطط تكره ريحة الليمون هادا والله اعلم

ومكان مارش القط حق الشارع دا ريش مكانو كلوركس عشان يشيل ريحتو لأنو القطه لما تجيها حالة التزاوج راح تتقرب لو عن طريق ريحتو فـ أي مكان رش عليه على طول إنتي امسحيه او كبي عليه كلوركس

وهيا لازم تتربى وتعرف إنو حدودها عند قبل باب الشباك يعني من بعدو لآ ’ لو شوفتيها حتطلع حطي اصبعك السبابه أو اصبعين بين عينيها وقوليلها لأ - بنبره قويه وحاده وثقه - عشان تعرف إنو دا غلط وممنوع
ولو ما تعلمت يسير قفلي الشباك أو حطي حواجز عليه عشان ماتتجاوزو

في مليان طرق مبتكره عشان تبعدي قط الشارع دا ممكن ترشي المكان بسبراي معطر الجو لما يجي مو إحنا مانبغى نقتلو ولا نبغاه يتعدى حدودو لكن زي كدا لازم تتصرفي وانتبهي لا تضربيها القطط ممكن تحقد وماتنسى ضربك اكتفي بكلمة (لأ) خليكي أقوى منها لكن بنفس الوقت خليها تعرف انك تحبيها وتخافي عليها

ممم الله يعينك مشكله مو بسيطه لأنو ممكن يوم تصحي من النوم ماتلاقيها زي ماسار لكن إنتي اعملي اللي عليكي ولا تضربيها لا على يدها ولا مكان تاني لأنو القطط ماتجي بإسلوب الضرب كدا ماتتعلم ..