اشترك في نشرتنا البريدية ليصلك كل جديد

Brazzo · 08-10-2006, 06:45 AM

والله انا ما شفت من القطاوه غير الهم والغم والحنه والرنه
مزعجين لأبعد الحدود والمشكله ما تقدر تصرخ عليه ولا تطقه " لأنه اكيد ملبوس من اللي خبركم "
كل القطاوه اللي ربيتهم ما يعرفون يسكتون والمشكله مليقين ودلوعين
يعني يا نوم يا ازعاج مياؤو ومياؤو وفوق هذا لما تكون متضايق وواصل حدك تلاقيه يشمخك ولا يسوي حركه مليقه تبط جبدك زياده اففففف
يعني بالذمه وين يطولون العمر ؟ " الأعمار بأيد الله سبحانه وتعالى "
بس صج هالقطاوه يخرعون عندهم 7 ارواح
مره لقيت قطوه بالشارع شكلها ميته فصفطت السياره وخذيت جيس بوخرها عن الشارع
وصراحه انصدمت يوم شفتها تقوم وتركض مع ان في دم كان ينزل من حلجها يوم كانت طايحه !!!!!
قسما بالله مو قاعد اقص عليكم وانا متنح بنص الشارع يعني شمعنى قامت يوم قربت يمها !!
لا والموقف الثاني واحد من الربع كان طالع من عماره ومعصب لقى قطوه لازقه عند ريله جان يقوم يحذفها من الدور الثاني وما وعينا الا وطبوووف صوت طيحتها على الأرض وتقوم تصيح ويوم نزلنا ولا نشوفها تقوم تركض منحاشه !!!