كيف يتم إصطياد الفتيات في المنتديات ((بكل جرأة))

[*rfrf*]

تجد بعضهم يرسل رسالة لأحد العضوات يقول لها أنت بصراحة كتاباتك رائعة و أنا من المتابعين لكتاباتك
و يشرفني أن أكون أحد الأعضاء الذين يردون على كتاباتك
و تارة يقول أنه منذ أن قرأ أول مقال لها وأصبح لا ينفك عقله وقلبه من التفكير في كل كلمة تكتبها .

امممممم ... صراحة صراحة بتجيني رسايل خاصة من كدة كم ولد ..

بيجلسو بيقولو كلاااااام طووييل عريض ..اسولبك رائع وجميل وما لقيت بنت زيك في الحياة ....الخ

زي كانو ما عمرو شاف بنت في حياتوو ..

كمانا في طوالي يجيكي يقولك ممكن نتعرف عشان هنا مكان زيي كاني حاسس نفسي محبوس ومدري ايش فيا ليت تديني ايميلك .. والخ ..!!

كمانا جاتني رسالة خاصة السنة الماضية واحد قلي ابغى يكون عندي صديقة ليا ..

فقلتلو وفهمتو ما يصير يا ابن الحلال نحن مسلمين وما ينفع كدة تكلم تبغى تتعرف اتعرف ع اولاد ..

ومو رااضي اللي يبغي الايميل .. الين ما خليتو يستسلم ..

ولله الحمد بعد طبعاااا ما طفشت اهلو اديتلو كل النصايح الدينية .. ومحاضرات وحالة ودنيا >>>الشيخة رفرف خخخخ

وقال بعدين .. لاااااا انا ابغي اختبرك ابغي اشوفك اذا انتي بنت داشرة ولكن اهلك ربوك مزبوط والنعم فيكي .>>>

ما شاء الله ده كلو بس يبغى يشوف ويتاكد فااضي مرررررة ..

وقال انا ارسلتلك عشان اسمك ملفت للانظااار ومواضيعك وردودك واسلوبك حلو..

وسالت كم بنت في المنتدى قالولى برضو رسلنا نفس الولد رسالة ....؟؟ ودحينا حمد لله لقيتو موقوف ..

كمان بتجي رسايل عن انتي كم عمرك .. من فين .. وبربرة طويلة عريضة خخخ ..

في البداية انا اجامل واتعاطف لكن لما يزيد الحال اعطي دوش بربرة ..

واحس صراحة كلام كلو تخريف في تخريف لاااهوا معجب فيا ولالا شي بس عبااااطة اولااااااااد.....!!

وبالنسبة ليا انا لما ارسل رسالة لاي احد انا ع نياتي .. مو قصدي والله اني ابغي اتعرف ..

وع ففكرة دايما رسايلي تكون في المنااسبات .. ^^"

مثلا استفسار - توديع - تعييد في المنااسبات - سؤال عن الحال في الغياب ..

اهداء هدية .. وزي كدة ..^^"

وربي يحفظ جميع بنات المسلمين من الاولاد السيئين والله يحفظ جميع الاولاد من البنات السيئين ..

كلهم يغلطو .. مو بس البنات ولا الاولاد ..

وربي سامحنا وشكرا لموضوع المهم ..^^"