استفسارات حول طعام السلاحف البر مائية

[عروس الجليل]

ما شاء الله مهووس الحيوانات كفى ووفى بشرحو..
وما بدها القصه جدال ولا اختلاف بالرأي, لانو السلاحف المائيه متل البريه تنتمي لعائلة الزواحف ومش البرمائيات ..
وبالنسبه للاكل.. السلاحف البريه هي نباتيه (مع انو اوئات ممكن انها توكل حلزونات وحشرات..), اما السلحفاة المائيه فهي مفترسه -يعني بتصيد فريستها حيه وبتوكلها- وبالطبيعه غذائها كلو بيكون من الحيوانات :اسماك, رخويات, دود, حشرات, مفصليات-سلاطعين, والكبار منهن بيوكلو حتى القوارض الصغيره وجرائها والطيور الصغيره.. والنباتات وكلما بتكبر السلاحف المائيه بتزيد نسبة اكلهن للنباتات والخضار!!

من هيكا بالمربى لازم التنويع بالاكل, وادا رفضت السلحفاة الأكل ما في داعي للقلق لانو احتمال هي بتكون تطلب نوع تاني غير النوع اللي بتقدملها اياتو.

سلحفاة مائيه صغيره بتوكل كل يوم - يومين.
سلحفاة مائيه كبيره- بالغه, بتوكل كل يومين بفصل الصيف, وكل تلات ايام بفصل الشتاء ادا ما فاتت لسبات شتوي.

* تحضير خلطة أكل بيتيه للسلاحف المائيه:
المواد:
لحم بقر بدون دهن وبدون توابل+ سمك سردين كامل+ خضروات: خيار, جزر, كوسا, ذره, بطاطا, تفاح....+ بيضه نيئه - البياض والصفار والقشره+ ملعقة بودرة فيتامين A و D3 + اكل سلاحف ناشف.

طريقة التحضير:
طحن كل نوع لحالو, وبعدين منصفي الخضار من العصير اللي بيطلع منهن بعد الطحن ومنستعمل بس اللب, ومنخلط كل المواد مع بعضهن بوعاء كبير (مفضل طحن قشرة البيضه), ومنضيف بودرة الفيتامينات, وبعد التخليط بنرجع نطحنهن مره تانيه لينعمو, وبعدها منقطعهن بايدينا قطع صغيره ومنخليها رقيقه, وبنحطهن بالفرن ليحمرو شوي,, (لا تئول انك رح تذوق طعمو )

ووقت تقديم الاكل بنكسرهن لقطع صغيره ومنحطهن بالمي, ووبواقي الاكل اللي ضلت بالمي منظفها حتى ما تتحلل وتوسخ.