ترويض وتزاوج يا مسهل !!

[smallfairy]

السلام عليكم ورحمة الله وبركاته
طبعا معرفش ازاي مخطرش على بالي اني ادور على طرق الترويض لأني كنت اتوقع انه من السهل جدا ترويضها
المهم انا عندي طائر ذكر كوكتيل انا سميته كوكو جبان بشكل بس طيب في نفس الوقت يعني بعد ما قرأت الترويض اتشجعت بس طبعا من غير قص الريش لأنه مش راضي يطلع اساسا برة القفص وبقاله سنتين معايا بس مش بيخاف مني ولما كنت مريضة كان هادي الخ الخ وممكن كمان ياكل من ايدي بس من غير ما يطلع ومن ريشه الواقع ممكن اعمله رقبته وكده يعني
عارفة ان الترويض دلوقتي صعب لكن هوة متآلف معايا يعني حتى لما لفيت ايدي بالشاش بحيث ان العضة متأثرش لقيته مش بيعضها بيهرب ويطير للنواحي الي في القفص ولما زهق راح مقرب من وشي في القفص وقعد يبصلي كأنه متطمن ان انا موجودة واني هحميه صعب عليا معرفش ايه الحل بيخاف وبيطير وبعدين ملهوش حل ده ؟؟ عاوزاه يطلع على ايدي مش نافع بيبص لصباعي ويبعد هل في حل من غير ما اقص ريشه او أاذيه ؟؟
وسؤال تاني موعد تزاوجة المفروض خلاص لازم اجبله واحدة بس المشكلة ان اهلي بالعافية جابوه ولما حاولت اجيب كوكوياية تانية اهلي رفضو وقالو نبيعه احسن !! وخصوصا ان سعر الطائر في أبوظبي مرتفع بطريقة غبية