رسالة للجميع .. أعضاء و إداره ..

[×[( مروّض الـ قوآرض )]×]

::..×[( بسم الله الرحمن الرحيم )]×..::

السلام عليكم و رحمة الله وبركاته ..

أخواني الأعزاء أعضاء تو زوو و عضواته الكرام والكريمات .. حفظكم الله ..

انا في هذا الموضوع و من عنوانه رسالة إلى الأعضاء ..

أنا جاي أكتب هالموضوع لأن فيه امور بلفظ عامي ( مستهبله ) او في غير وضعها الصحيح ..

أعضاء في حروب وهمية مع بعضهم البعض و في حروب من طرف واحد و مشاكل ..

على غير أساس .. يعني ياليت فيه اساس لو كان مب شيء قوي .. ليت فيه اساس اصلا ..

انا حاب اقول لكل الأعضاء في تو زوو ..

اولا عن لسان جميل .. جميل يحب كل عضوووو في المنتدى كل عضو

بغض النظر سواء كان محب مشارك كاره عدو صديق قريب بعيد .. جميل يحب الكل ..

لكن وقته بين دوام وشغلات اداريه و تعب فـ مانقدر نرمي كل شي عليه في المنتدى ..

ونقول جميل و جميل و جميل .. مهما كانت مشاعري اتجاهه ..

او مشاعر غيري .. مجرد وجودنا في المنتدى يحملنا ويحمل على عاتقنا مسؤوليه

لو حطيت موضوع مسؤوليتي يكون كامل و حلو .. لو حطيت رد

يكون مناسب و مشجع و بطريقه لطيفه وانتقاد بناء ..

لو رسلت عالخاص لمشرف او اشتكيت يكون موضوعي بدليل و بكلام موثوق

او اقتراح جيد بطريقه هادئه ..

العراك .. الحرب .. المشاكل .. الصراعات بين الأعضاء .. تولد تحزبات وقروبات ..

و تسبب مشاكل وحساسيات بين اعضاء بشكل ماله داعي ..

خليني اتكلم عن نفسي ..

مثلا انا أعرف أعضاء في المنتدى كثيرين ..

رعوود .. الآسطورة .. عازف الكيبورد .. أفريكانو .. جميل .. بادجي المغرب .. كابتن حسين .. تيمبر ..

عاشقه الحيوان .. ماروكو .. بنت _ الرياض .. عاشقة الطيور ..

و الكثير الكثير الكثير .. لكن هذول اكثر اشخاص كانت لي علاقه قويه فيهم ..

فعلا علاقتي فيهم قويه بجد .. صح تصير خلافات ..

لكن رعود والاسطوره وافريكانو .. شفتهم بره المنتدى سواء بالصدفه

او بالعمد او بالغلط او في مكان فيه حيوانات ..

و حمدلله انا كل ووجودي في المنتدى علاقاتي مع الناس حلوه و طيبه و مافيها اي خلاف ..

يعني ما اتذكر اني تعديت على احد بكلمه .. لأ بالعكس ..

ممكن كل عضو او زائر للمنتدى او شخص سجل عشاني او بسبب مواضيعي ..

يشهد اني اشجع وارفع المعنويات واساعد واتساعد و اقدم اصحابي علي ..

لأني احب شيء إسمه ناس .. أحب البشر أحب الأصحاب احب اكون عضو فعال ..

احب كوني عضو ..

كأني اسمع غدوو تقول ان عضو اسمه عمار سبّها ..

انااا ::..×[( مروّض الـ قوآرض )]×..::

مستعد أجزم إني الوحيد في المنتدى اللي إسمه عمار .. و فعلا انا كنت اعرف غدوو

لكن اكلمها من اسبوع لأسبوع عن طريق ايميل القروب اللي سواه كابتن ماجد قبل خمس شهور

و يمكن اكثر شوي ..

و كان كلام عادي جدا طبيعي جدا .. صح اوكي نقول الحب والكره من الله ..

تكرهني البنت مافيه اي مشكله .. بس بعيدين عن بعض .. ليه المحارش طيب .. ؟

طيب خلينا من المحارش خليها تقول خليها تهزأني وتسبني قدام الكل .. شيء راجع لها

يعكس شخصيتها واسلوبها مع الناس .. لو كان شخص يعتبرها صديقه او زميله ..

ما بتحسس من هالموضوع لأن مايهمني كل كلام ينقال ..

الآسطوره رد .. رد روعه .. بجد حسسني انه صديق حقيقي ..

بجد حسسني انه صديق وفي .. يكفي انه شهد لأخلاقي انها عاليه وهذا يثبت علي مقامه ..

جعل مقامه عالي يوم القيامه ..

شباب انا مابي اقول لكم قصص ومشاكل ..

انا اللي ابيه

نكون اعضاء متقاربين في المنتدى كلنا نساعد بعض

العضو اللي يقول ابي اصير مشرف كيف

لا تكون مشرف بالإسم كون مشرف بالفعل .. ساعد المشرف ..

علمه معلومه جديده .. نبهه على خطأ او نقص .. او مشكله .. او نقطه معينه ..

بالعكس تنحط عالعين والراس كل مشاركه بناءه من اي عضو في المنتدى ..

انا مساعد مشرف .. و اعتبر نفسي خادم قسم القوارض ..

ألبي كل اللي اقدر عليه ..

طبعا انا مقصر كثير .. انا مختفي فجأه من المنتدى ..

لكن قبل ما اختفي بأسبوع .. أرسلت لـ جميل .. انا بغيب عن المنتدى فتره طويله ..

وفعلا غبت و كل زملائي كانوا مساعدين وصاروا مشرفين ..

لكن ما يهم اللقب .. كلنا اعضاء بهدف واحد و لمنتدى واحد ..

فـ أي عضو يكرهني او بخاطره علي ارجو انه يقول ليه هالشيء يحس فيه من الاساس

و أي عضو يحبني او يعتبرني صديق فليعلم اني اعتبره توأم روح و اخ وصديق وقريب ..

و غدووو انتي كبيره مايحتاج انصحك او اوجهك او اعلمك تتصرفين ..

و فديتكم آسف عالقطعه وان شاء الله اسبحكم مفاجآت ..

.. و تحيآتي ..

::..×[( مروّض الـ قوآرض )]×..::