●ْ [ مـــا سـبـبـ إخـتــياركــ لــحــيــوانـ الــقــطـ..؟ ] ْ●

[Nora_M]

موضوع متميز
انا بقى عمرى ما كنت بفكر بالقطط و بتربية الحيوانات لكن و انا صغيرة خالتى اعطينا قطة بلدى صغيرة قعدت معنا اسبوع و بعدين ماما مشيتها , قالت بتعطلكوا عن المذاكرة , المهم انا كبرت و نسيت الموضوع ده و فجأه لقيت بابا جايبلنا اعلان كان فى الأسانسير بتاع العمارة , الجيران عايزين يبيعوا قطهم الرومى بأى سعر لظروف السفر , فرح الجميع و رحبوا و دخلت عالنت اعرف بعض المعلومات لأستقبال القط بالصدفة لقيت عرض للتبنى لأربع قطط شيرازى , اتصلنا بأصحابهم و ذهب ابى و امى و اخذوهم
يبدو لكم الأن ان العائلة كلها تحب القطط , و لاكن ما ان مر اسبوع او اسبوعين الا و كانوا زهقوا منهم و عايزين يمشوهم , الذكر كان عايز يتجوز و عمل مهرجان فى الشقه , كلهم اجمعوا انهم يمشوهم , انا الوحيده اللى اتعلقت بهم , كانت اسعد لحظاتى و انا معهم ,
المهم مشيوا غصب عنى و سائت حالتى النفسيه حتى اقتنعوا انى بحاجه الى القطط و رضوا ان اتى بقطة للمنزل و لكن قطه واحده فقط
اهلى برده بيقولوا بنحبهم من بعيد لبعيد ,ههههههه
قطتى شيرازى مون فيس , لان اهلى لم يرضوا ان اشترى غير شيرازى
كان شرط من ضمن شروطهم,,,,,,هههههههههه
و لكن الحقيقة الشعر القصير اريح كثيرا , خاصة فى الحر ده قطتى بتصعب عليا قوى
نفسى اجيب قطط تانية تسليها بدل ما هى وحيده كدا بس اهلى مش راضيين
كمان موضوع الجواز تاعبنى جدا
بس الحمد لله رب العالمين