للاشخاص اللى دربوا بغبغاناتهم ارجو الدخول

[سكر]

انا عندى درة هندى جبتو من شهر 9 اللى فات والطوق لسة مظهرش
"مش مهتم دلوقتى بنوع البغبغاء"


ربي يحفظه لك ويبارك لك فيه



المهم : هو فى خلال الفترة دة كنت بحاول اتقرب منة وهو فعلا بيقى بيستجيب معايا
مثلا:لما بحاول اكلمة بلاقية الحدقة تديق ويرد عليا بتصفير
ولما باعطية فاكهة او اى حاجة بيحبها بيخذها منى

وظل الحال على ما هو علية حتى هذة اللحظة



واصل على نفس المنوال,, انت ماشي صح,, وواضح ان الببغاء بيستجيب بس هو يطول بعض الأحيان ,,,



فامش عارف اية بعد كدة اعملة خصوصا:
اولا :لسة مش بعرف احط ايدى علية "لانة بيخاف ولما امسكة بيصرخ وانا كمان بخاف من النقر"

ومش عارف اعمل اية؟


بما انك تخاف,, أكيد الطبير بيخاف مثلك,, لأنه يتعلم منك كل شيء,,,

حاول تشيل الأكل من عنده,, وما تخليه ياكل إلا من يدك فقط,,

أنا عارف انك تعطيه أكل بيدك,, بس أنا أقصد ان كل الأكل اللي ياكله, ما ياكله إلا من يدك,,


ثانيا : مشكلة قص الجناحات "انا دلوقتى فى المصيف ومفيش دكاترة بيطريين هناك فهل ممكن انا ومثلا والدى انة يمسك البغبغاء وانا اقص ولا ممكن نعورة؟ واية اللى عايتم بعد ما جناحاتة تتقص


ينفع ليش لا؟ ولا تخاف, الريش مثل الشعر بتاع الإنسان,, ما يعور لما نقصه,,,
ومش عيتم حاجة,, كل مافي الموضوع انه ما بيطير فترة,, ويصير يحبك أكثر إن شاء الله لأنه ما يقدر يهرب منك,,,


ثالث حاجة: بيكب الاكل والمية وبيخلينى اشيل منة الاكل والمية طول اليوم "على الرغم من انى بحط لعب معاة"


ليه يكبها.؟ هو انت حاطط الأكل فين؟


الببغاء يحب يلعب دائماً بأي شي,, حاول تثبت أكله مزبوط,,,
ولا تكثر أكل في العلبة,, أعطيه شويه بس,, وإذا خلصها, أعطيه تاني,,



رابع حاجة :انا بقعد معاة حوالى ساعة على طول اليوم على الرغم من انى حطة فى الغرفة اللى بقعد فيها على طول؟


ماشي الحال,, مافيه مشكلة,, بس حاول تطول أكثر,, واذا ما قدرت,, حاول تخليه مع الاهل ويشوف ناس كتير,,, لحد ما تيجي,,,


خامس حاجة : بيفتح باب القفص ويطلع فوق القفص وخلاص ولما اجى ادخلة بيطير


حركة حلوة, ومناسبة للطير,, مافيهاش مشكلة,, وهذا دليل على ان ببغائك ذكي,, بس حطله غصن نظيف فوق القفص عشان يلعب بيه,,,


فياريت اى حد عايساعدنى ياريت يرد على كل حاجة فى الموضوع مش بس جزئية علشان انا ماتلغبطش


إن شاء الله ما تتلخبطشي ولا حاقة ياعم,, جاوبتك على أسألتك بمعلوماتي البسيطة وسامحني على التقصير,,

ومعلش استفسارتى كثيرة وطولت عليكم وشكرااااااااااااااااا

بالعكس استفساراتك زي العسل يا عسل,,,

تحياتي