باضت 8 مرات ومافرخت ؟؟ + صور للاستاند الجديد

[son son]

السلام عليكم .. كيف احوالكم يااعضاء المنتدى + زواره

قبل حوالي سنتين اشتريت جوز كروان .. عمرهم "على كلام البائع" اكثر من سنه ..
وقتها ماكنت افرق بين الذكر والانثى ..
بعد حوالي شهرين اشتريتلهم صندوق التزاوج ولاحظت انه وحده منهم بدات تدخل القفص وبالفعل بعد كم اسبوع جابت 4 بيضات .. وبس استنينا حوالي شهر ونص ولسا مافرخ >> بعد كدا انا شلت البيض ورميته
بعد كدا اكتشفت انو الاثنين انثى

اشتريت ذكر وخليته معاهم الين اتوالفو على بعض وبدات تدخل الصندوق ثاني وشفنا الذكر يلقح الانثى اكثر من مره .. باضت وبرضو مافي اي شي .. هذي الحكايه استمرت على مدى سنتين
واكثر من 6 مرات تبيض كل مره 3 الى 4 بيضات

قبل 5 شهور مات الذكر .. اشتريت ذكر تاني وبرضو نفس الحكايه "اتوالفو + تلقيح + بيض +.. الخ " مافي شي

الان كملت 8 مرات .. ايش المشكله برايكم ..



اسف كثرت كلام .. اسيبكم مع الصور

طبعا اول كانو موجودين بالقفص اللي تحت لاكن الباب مفتوح وهما فوقه على طول
الصندوق كان على يمين القفص مثبته من برا وقاص القفص من الجنب ناحية الفتحه اللي في الصندوق ..

ايش رايكم الان الاستاند هذا .. وهل مكان الصندوق مناسب للتزاوج ؟؟
طبعا الاكل زي اللي موجود في الصورة .. نخليه عندهم على طول واحيان ناكلهم بيض مسلوق ..

واسف عالاطاله ..