صرخة استغاثه!

[كاسكوكيه]

السلام عليكم و الرحمه

من خلال قرائتيه لكثير من المواضيع.. و العديد من الردود من بعض الاعضاء على بعضهم لاحظت اكثر من مره تكرار حل سريع يعطيه الكثير من الاعضاء لمن طرح مشكلته.. و كأنما هوه الحل البديهي ..

و اليكم الردود اللي تصيبني مرات كثيره بالجلطه! بحاول اخوز اسماء الاعضاء بس عشان ما تنجرح مشاعرهم ^^

المشاركة الأصلية كتبت بواسطة شخص

هلا اخوي

بالنسبة للحل لا يوجد حل لهذه المشكلة الا انك تطفي النور عليه او تحط عليه غطاء

وهذه الحلول ما تناسبك لانك ودك تستمتع بالطير او انك تشوف واحد ثاني وتبيع اللي عندك

ومعروف ان الطيور الامازونية مزعجة وهذه طبيعتها

المشاركة الأصلية كتبت بواسطة شخص 2

جوعه اكثر وهو يرضخلك :> لا تدلعه الا اذا حققلك الي تبيه

المشاركة الأصلية كتبت بواسطة شخص 3

miss خليه حتى يتأقلم شكلك بالطيب واذا ما نفع بعيه لانه ما منه فايده ههههههههه

المشاركة الأصلية كتبت بواسطة شخص 4

شيء جميل انه الطير يكون محترم نفسه ومايفشل راعيه الله يباركلج فيه انشاءالله

شو رايكم؟
احس ظلم للطير اولن.. لو كان الشخص مب قد مسؤولية انه يتحمل طير لا يشتريه
و الشي الثاني.. المنتدى مب مقصر مواضيع وايد تنطرح و مواضيع كثيره تفيد الاعضاء.. غير القراءات الخارجيه..

اتمنى اللي بيعطي الحل السريع يفكر اول شي فيه كل الاحتمالات و الحلول و المواضيع المثبته و غيرها و اخر شي.. يخلي الموضوع لصاحبه.. لو بيبيع الطير بيكون منه .. وايد نقرا مواضيع عن طيور متأثره من قسوة راعيها...

بخليكم مع شي.. فيديو اتمنى انه يلمس قلوبكم و تفكرون في كل فعل نسويه مع طيورنا ^_^



جوفو كيف الكاسكو ميت و مكوم عند الزباله

http://www.youtube.com/watch?v=ps-yl1ETOaM