رجــــاااء مساعدة من خبــرآآء - مهـــم-

[الشريدة]

السلام عليكم

معوضه انشاء الله بالفرس والله يعينج بمراعات الفلوه شوفي الفلوه او الفلو كل نصف ساعه او ساعه يرضع من امه هذا اللي لاحضته بالفلو مالي فأيضا لا تحاولين انج تتأخرين عن الساعتين ، في حليب خاص للفلاوه ينباع عند الصيدليات البيطريه ،و سؤالج عن فطام الفلوه فالفلاوه عادتا تقدرين تفطمينها من تحت امها بعد ( 40 ) يوم من الولاده ولكن الفلاوه يحاولون يطقطقون بالأكل مع امهاتهم بعد ما يطلعلهم ضروس فأتوقع ان فلوتج طالعلها ضروس اماميه على الأقل فتقدرين تعطينها عوادة (( جت { برسيم } طري )) تعودينها عليه شوي شوي لأنه خفيفه على البطن ومايضر انشاء الله لين ما الله يسهل لها بالأكل كله وطبعا لا تنسين ان كل شي تبين تبدين تعطينها في الأكل لازم تبدين بشوي شوي بإيدج اول وبعدين تزيدين شوي ومن ثم تعطينه وجبه كامله ولكن لازم تفرقين بوجبة الأم ووجبة الفلوه لأنها ما تستحمل وجبات كبيره نفس امها .

نصيحه اتمنى انج تحطين لها كل يوم عشره ملي من زيت الطبخ العادي في فتحة الخروج انشاء الله حتى يساعدها في التخريج ولا يصيرلها مغص لأنج تعرفين ان مغص الخيل يذبحها ( يعني تجيبيلج ابره من غير راسها وتسحبين عشرة ملي من الزيت وتحطين شويه من الزيت على فتحة التخريج وبعدين تدخلين الإبره بشويش علشان لا تجرحينها ويلتهب بعدين الجرح وتضغطين على الإبره داخلها ) .

اتمنى اني ما قصرت وياج بأي معلومه قلتها .وان احتجتي شي ثاني تراني بالشوفه