طرق قد يكون مبالغ فيها من قبل بعض المربين

[هاوي درجة اولى]

السلام عليكم

اخواني

لاحظت ان في بعض المربين او الهواة يقومون بعمل بعض الطرق لتحسين الانتاج او تسهيل التلقيح او الحضان , وفي الواقع اعتقد انهم امبالغين فيها , ومن هذه الطرق :

1-الحضان : يعتقد بعض الهواة ان اللنوق فيس او البوفوطة , او حب الرمان او التوربيت مايطعم عياله , وهاذي في نظري معلومة خاطئة , لان مافي ولا طير مايطعم عياله الا اذا كان مينون !! لان اصلا اذا كان الطير مايطعم عياله وشلون صار هالطير اصلا؟
اخواني مااظن ان في طير سواء بخارة او لونق فيس او بوفوطة او اي نوع اخر مايطعم عياله او مايحضنهم او حتى مايحضن البيض , لكن اعتقد ان بعض الهواة عندهم خوف زايد , او يمكن يبون يكثرون من الانتاج بسرعة فتلاقيهم يلجأون الى مثل هذه الطرق , ويمكن في الغالب لاغراض تجارية
وبالنمناسبة زرت احد المربين من فترة وكان عنده مجموعة كبيرة ما شا الله من البوفوطة وباعداد كبيرة وشفت فروخهم في المحاكر , وماكان يعرف شو الحضان اصلا

2-قص ريش الذيل للانتاج : وهاذي اعتقد ايضا مبالغ فيها , وخصوصا بالنسبة للشامسي , لان الشامسي ترى مايلاقي صعوبة كبيرة في التلقيح حتى اذا كان ذيله مش مقصوص , لان الله خالقه ابهالذيل , فقص الذيل يمكن يكون شي احتياطي , يعني المربين يعملونه احتياطا , لان الشامسي حتى مع الذيب بيلقح وماعنده مشكلة

3-اعتقاد البعض ان غر الفروخ لازم يتم بالابرة وهذا غير صحيح , هل تدرون ان غر الفرخ ممكن يكون يدويا؟؟ هل تعلمون ان ممكن اتاكل الفرخ حبوب يدويا؟؟؟
لكن مع هذا فالغر بالابرة نموذجي اكثر , واحسن من هالطريقة , واكثر فائدة للفرخ , لكن مع هذا ممكن الغر باليد وبدون ابرة (انا جربتها)

هذا اللي اذكره الحين واذا في شي ثاني راح اكتبه ان شا الله

والسلام عليكم