انا و الكاسيكو................ طحت فيها يا شباب

[SharkSoftware69]

قبل كم من يوم كنت مسوي شغل الى ابن عمي و تكريما منه اعطاني كاسيكو افريقي جامبو

بس صغير و يجاعر واييييييييييييييييييييييد عمره ستة شهور و عيونه توه فيه رصاصي مو ابيض

اول ما جبته البيت (تدرون ) الوالدة تقول انت قاعد تخسر على الفاضي ......الخ الخ

بس بعدين شفت فرخ عمره اربعة شهور فقلت لصاحبه فرد علي انه يبغيه ب مائة و سبعين دينار لانه محجل و جايبينه من مزارع

فرفضت بشدة و قلت لازم اخلي هذا الطير اللي عندي يصير احسن منه

شفته يجاعر وايد من اقرب صوبه جبته عندي صوب الكمبيوتر وهو على القفص و انا قاعد على الكمبيوتر و مخلي الهيدفون و اسمع وهو يجاعر لين سكت

الحين خفت الجعرة خلال يومين الى 10%
و اليوم ما خليته من جبت القفاز شفته يخاف فاتصت بابن عمي و سالته اذا يشيله بالقفاز فقال لي انه حاول وياه وايد بس ما يثبت

فعرفت العلة من وين

العلة انه يخاف من القفاز ؟؟؟؟؟؟؟؟؟؟!!!!!!!!!!!!!!!!!!!!!!!!!!

الح هو اني اشيله بيدي بدون قفاز

الله يعيني و العضات بس الاحض انه يتجاوب وياي بسرعة و انا ماعطه الامان

السر هو التدريب امام المنظرة اخلي تركيزه على الطير اليي في المنظرة (الا وهو انعكاسه)

و توني مخليه يركب على اليد و هو يطلق جعرة خفيفة بس خليته على يدي و ما يطير و يشرد لانه قاعد يطالع روحه المسكين و هو يفكر انه واحد ثاني صديقه

ههههههههههههههههههههههه
انه ما احب الافريقي بسبب جعرته لكني قبلت التحدي و باوديه لنفس الشخص و باراويه في اسبوع اشلون روضت الافريقي الي قال لي عنه انه ترويضه صعب و يحتاج الى فترة طويلة

مع العلم ان الطير صار له اسبوع مع ولد عمي وهو مخرعه يخاف منه بصورة كبيرة
وقبل هذا كان متوحش جايبينه شحن من الكونجو

سنوافيكم باخر الاخبار و الصور قريبا