> التطورات مع الكاسكو <

[Ba7rainiA]

السلام عليكم ورحمة الله وبركاته

قبل فتره بسيطه < كم شهر

سجلت بالمنتدى لاني كنت فرحانه بالكاسكو اللي عندي




بس صادتني حالة اكتئاب حاده من المواضيع اللي قرأتها

خاصه اللي يقول الكاسكو تكلم والكاسكو رقص والكاسكو ركب يدي

وانا كان له بس اسبوعين عندي ومتوقعه انه بيسوي كل هذي الامور بسرعـــه < متفائله الاخت




من نهاية شهر مارس إلى حد الحين الحمدلله الكاسكو تغير وايد !!

ترى لحين ماتكلم < عيل وين التطورات
خخخخخخخخ


لا بس كنت اعاني من "مشاكل" وايد < اعتبرها مشاكل لاني مبتدأه < اول مره اربي طير
اهم مشكله كانت العض

كان ذابحني الصراحه !!
شوّه يدي من كثر مايعضني ..

الحين يلعب معاي ويعضني بس على خفيف < قولو ماشاء الله مافيني شدة ترى

يركب على يدي مجرد ما اقوله تعال فوق

ولين امشي عنه يلحقني ويرفع ريله حتى اركبه على يدي !!

أأشر له بيدي واقول له طالع تحت فينزل راسه تحت حتى امسح عليه < متخرعه كككككك

لين نزلت له عشان احبه على راسه يقلد صوت البوسه < اسود الويه مب هين

يركز اكثر لين اكلمه ..
مايتحرك وايد ويطالعني في عيني < ساعات احسه يني ويفهم شقول


ترى تربية الكاسكو وايد حلوه ..
بس يبيلها صـــبـــر

اكتشفت انه يحتاج لأشهر عشان يتأقلم مع الوضع بشكل تام

والحمدلله مرتاحه وايد من الطير ومو مستعيله عليه عشان يتكلم ..
اهم شي يكون الطير مرتاح وصاحي
والله يحفظه ويخليه لي