جديد في عالم البادجي ياليت المساعده ....

[Besa]

السلام عليكم

إن شاءالله حيروح
وبإذن الله نحنا معاك لين تنحل مشكلتك
مبروك عليك الأنثى
وبخصوص سؤالك في علامات تكون ظاهرة على الطيور تدل على مرضها
1- الخمول ونفش الريش والإنعزال في ركن القفص
2- إفرازات أو إنسداد أنف البادجي
3- جروح أو إصابات
4- فضلات لاصقه في ريش الطائر
5- بروز عظم الصدر والهزال
دي بعض العلامات والعلامات كتيرة
وكيف تعرف لومصابة بالفاش من حكتها المستمرة
تلاحظ إنزعاجها ومحاولتها حك جسمها في المجثم أو القفص
كمان لودققت تحصل الفاش يمشي على وبين الريش
أو إمسكها وإفتح الأجنحة ودور لوفي فاش
لوكانت خالية من الحشرات خليها في قفص لين تحل مشكلتك مع الفاش
كمان إبعد القفص عشان الفاش ماينتقل لها
إنته غسل الأقفاص والمحتويات من إلى والبياضة أهم شيء
بموية حارة وصابون وديتول وعرضهم للشمس
وغسل المكان اللي محطي فيه الأقفاص وعقمو بالديتول
لأنو ممكن تنظف وترجع الأقفاص والمكان فيه فاش ويرجع للأقفاص
كمان لوتقدر توفر جو دافي وتحمم الطيور بالموية والخل مرا كويس
بس تبعد عن العيون والأنف وبعدين تشطفهم وتخليهم في المكان الدافي لين يجفوا كويس
معليش الفاش يتعب شوية لوأنتشر بس في الأخير حيروح إن شاءالله
بخصوص سؤالك عن الرمل البادجي مايحتاج مواد تعشيش البياضة بس
والتنظيف لازم تنظف عشان الفاش والحشرات حتضايق الأنثى وماتخليها مرتاحة وكمان حتموت الفروخ
وكمان عشان الفضلات ماتلصق في أرجل الفروخ ويصير صعب تنظيفها وممكن تسويلهم تشوهات