المكاو ..

[شوق احمد]

السلام عليكم و رحمة الله و بركاته

> توني كتبت الموضوع كامل بس انمسح =) ،، !!!!!!! تعبت و انا اكتب ..
المهم برجع اكتب الي كتبته


=(

عندي جيه وايد اسآله ،،
لان اول مره اشتري طير فرخ غر .. !!!

انا شريت مكاو بلو اند قولد .. عمره شهرين .. و بعدين استوعبت اني ما اعرف عن الصغار شي .. !!
المهم اعطاني الي شريت منه الطير السيريلاك الخاص به ،، و الي لونه اخضر !
فهل اقتصر في اطعامه على هذا بس ؟
و قالي ان اعطيه 3 مرات ف اليوم كل مره 60 مل ..

ف قررت اعطيه 6 الصبح .. 2 الظهر .. 8 او 9 فليل ..
فهل ها كفايه ؟


و الشي الثاني انا عندي طير ثاني امزون بلو فرنتد .. كان عنده مشكله ف ريشه انه فيه حشرات ،، ع حد كلامهم و الحين ارشه .. فهل في احتمال انه يعادي المكاو ؟

- و بالنسبه له انا خذتله قفص كبير .. و الخشب مستواه عالي عن الارضيه و اشوفه انه ما يتوازن 100% .. فهل عادي ؟ بيتعود ولا لازم انزلها ؟
و اللاحظ انه لما اشله و احطه على سريري ينام على طول .. و كآنه ما نام طول الليل .. و من اطلعه من القفص ينام اذا خليته و لعبت ف ريش راسه .. !
فهل هالشي طبيعي لصغر سنه ؟
و يوم ينام يميل براسه لتحت !! اوه ما اعرف اذا هالشي طبيعي او لا ؟ كيف ينامون هم ؟

و الان اشوفه ينزل و ينتظر تحت ع ارضيه القفص .. احس يسوي هالحركه عشان اطلعه !
فهل هالشي عادي ؟ ولا !!

و بالنسبه للآكل متى ابدآ احطله اكل عادي فواكه و خضروات ؟
و متى المفروض اوقف عنه السيريلاك ؟
و هل المفروض اطلعه وايد برع القفص ؟ ولا هالشي بيضر فيه ؟

و بالنسبه لللعضضض .. هو وبعده صغير و ما يعرف للعض ، و انا ماباه يتعلم يعض !
لاحظت انه يحاول يعض اصابعي بس بشكل خفيف ! اخاف يتعود ! اقوله لا لا .. بس طبعا ما راح يفهم من اول مره ..
و يوم احطه على جتفي " كتفي " .. يقول يعض اذني و احاول ابعده و اقوله لا ..
=( احسه يلعب بس اخاف يتعود ! و عضتهم تعور ! مافيني !
كيف اعلمه ما يعض !؟



هالي يحضرني الان من الاسآله =( اسفه ع الاطاله ..
و ياريت اي احد عنده معلومه او موضوع بخصوص الفراخ يطرحه هنيه .. عشان اقراه .. !
ماودي اموته بجهل مني !

و شكرا مقدما ..