جروح القطط

[nooreymo]

السلام عليكم ..

انا سجلت بالمنتدى اول امبارح وكنت بامس الحاجه للمساعده .. بس للاسف اتأخر تفعيل التسجيل ..
انا عندي قط اليف جداً .. لقيتو لما كان عمره اقل من شهر .. وكان عنده مشكله .. كان خده منتفخ بطريقه مخيفه .. حطيتو بكرتونه كان يضل يحك خده بطرف الكرتونه .. بعد كم يوم انفجر الانتفاخ ونزل منه عمل ودم كتييييير .. اخدناه عالدكتور البيطري نظفله الجرح وعقمه واعطاني دوا ويود ادهنله فيه خده كل يوم .. والحمد لله بعد فتره اتعافى وكبر وطلعلو شعر مكان الجرح وكلو طبيعي .. صرلو عندي فترة سنه تقريباً .. صار يطلع من البيت عالشارع مع باقي القطط .. من فترة رجع عالبيت وريحته كتير بشعه ومجروح من نفس الخد .. وما كان قادر ياكل .. واذا حاولت المس خدو كان يتالم .. وصار ينزل عمل من خده .. ودائماً يريل .. مع (اجلكم الله ) تعب بالمعده واسهال .. لهلسبب حاولت اسجل بالمنتدى عشان اسأل اصحاب الخبره اذا حدا عنده خبره .. بس للاسف اتأخر التفعيل ..
ومن يومين لقيت وجهه كله دم من كتر الحك.. ووضعه كتير سيء وعظم وجهه مبين .. ورائحته فظيعه لا تحتمل .. الوالد الله يجزيه الف خير اخده للبيطري .. حكاله انو فكه ملتهب وانو الرائحه الكريهه من العمل وانو بسبب التهاب فكه ما كان قادر ينظف حاله .. واعطاه ابره بين اكتافه ونضفله الجرح واعطانا بخاخ مضاد حيوي نرشله مكان الجرح وابر على مدى 3 ايام نعطيه ياهم .. وقال انو لو طهرنالو الجرح من الاول ما كان وصل لهلمرحله .. بس للاسف انا قصرت بحقه .. المهم صرله يومين .. الحمد لله صار احسن والريحه الكريهه راحت وصار قادر ينظف حاله وياكل .. واليوم الحمدلله كان قادر لاول مره انو يتاوب ويفتح تمو طبيعي ..

فيا ريت يا محبي القطط انو ما تتهاونو بموضوع الجروح مهما كانت بسيطه عشان ما تخسرو حيواناتكم الاليفه .. الجرح معرض للجراثيم وللتلوث والالتهاب مهما كان صغير ف هوه خطير..