محاولة الخروج

[.. محمد ..]

السلام عليكم ورحمة الله وبركاته

اخوي العزيز هالحركة صارت معاي بالضبط واعتقد اني اقدر افيدك فيها .. الي صار معاك صار معاي و بأذن الله بعطيك الطريقة بس يبيلها صبر شوي .

اولا البغبغاء للحين ما تعود عليك ولهالسبب يبتعد منك وسبب محاولات خروجة من القفص هو انه يحس انه مب مرتاح و يبي يهرب و لهالسبب انت تحتاج تسوي اكثر من شغلة و هو كل ما تدخل تطلعة من القفص و تشيلة بيدك الين تبني الثقة بينك و بينه .

ثانيا : حاول تحك راسة كل يوم لمدة ساعة ( طبعا ما راح يخليك بالاول بس انت حاول بشكل خفيف الين يحس بالامان ) وهالطريقة تحتاج تطبقها لمدة شهر وكل ما حاولت تحك راسة قوله نزل راسك نزل راسك نزل راسك و حك راسة و بعدين حاول تحك راسة و منطقة تحت العين و الاذن بتشوفة راح يستانس كثير .

ثالثا : حاول تأكلة بيدك و ركز وشوف الشي الي يحبة مثلا انا لاحظت ان طيري ( سبارو ) يحب البندق فصار كل ما اجيه أأكله بندق من يدي

اخوي انا عندي افريقي ( سبارو ) كان مثل حالتك بس مع الصبر صار كل ما ادخل عليه تحس انه بيطير من الفرحة و يبي ينقز من القفص لي وترا الموضوع بسيط بس تحتاج شوية وقت و كل شي بيصير معاك اوكي .. طبعا واشكر الاخوان ترا افادوني كثير و الحمد لله وصلت لمرحلة شبه متقدمة